Бӕстон куыст кӕныс?
1 Куыстыты чиныджы дзырдӕуы, Йесойы ахуыргӕнинӕгтӕ кӕй лӕггад кодтой, «бӕстон хъусын кӕнгӕйӕ» (Ап. к. 2:40; 8:25; 28:23, НД). Апостол Павел дӕр ууыл архайдта (Ап. к. 20:24). Ды дӕр, хорз уацхъуыд хъусынгӕнӕг уӕвгӕйӕ, ахӕм нысанмӕ тырныс? Дӕ бон цы у саразын, цӕмӕй ацы нысан дӕ къухы бафта?
2 Рагацау цӕттӕ кӕн ныхас райдайынмӕ. Цӕмӕй ӕнтыстджынӕй хъусын кӕнай, уый тыххӕй дӕ хъӕуы цӕттӕ кӕнын. Уӕлдайдӕр та уый ахсджиаг у журналтӕ парахат кӕнгӕйӕ, уымӕн ӕмӕ алы номыры дӕр дзырдӕуы алыхуызон фарстатыл. Цӕмӕй хуыздӕр цӕттӕ уӕм, уый тыххӕй «Нӕ паддзахадон лӕггаддзинад»-ы ацы номырӕй райдайгӕйӕ галиуырдыгӕй мыхуыр цӕудзысты цӕвиттонтӕ, куыд ис радтӕн журналтӕ «Хъахъхъӕнӕг мӕсыг» ӕмӕ «Райхъал ут!»-ы фӕстаг номыртӕ. Алы номыры дӕр ӕвзӕрст уыдзӕн, адӕмӕй бирӕты цы фарста тыхсын кӕна, уый. Дӕ бон куыд у ацы цыбыр цӕвиттонтӕй пайда кӕнын?
3 Равзар, дӕ территорийы адӕмимӕ ныхас кӕнынӕн хуыздӕр кӕмӕй спайда кӕндзынӕ, ахӕм цӕвиттон. Цы статьяйыл бындуриуӕг кӕна, уый лӕмбынӕг бакӕс ӕмӕ адӕймаджы зӕрдӕмӕ цы хъуыдытӕ фӕцӕуой, уыдон дӕ зӕрдыл бадар. Журналы ссар, цӕуыл дзурдзынӕ, уыимӕ баст стих, цӕмӕй йӕ хӕдзары хицауӕн бакӕсай. Ахъуыды кӕн, ныхасы кӕрон куыд ис, кӕимӕ ныхас кӕныс, уый журнал бакӕсынмӕ сразӕнгард кӕнӕн, ӕмӕ гӕнӕн куы уа, уӕд ма йын зӕгъ, йӕ бон кӕй у Иегъовӕйы Ӕвдисӕнты ӕппӕтдунеон хъуыддагӕн мысайнаг радтын. Ныр та уал, цы дзурдзынӕ, уый сахуыр кӕн.
4 Библийӕ пайда кӕн. Хорз куы цӕттӕ кӕнай, уӕд дӕ бон уыдзӕн дӕ ныхасы библион стихӕй дӕр спайда кӕнын. Зӕгъӕм, бирӕ рӕтты фӕлтӕрд хъусынгӕнджытӕ сӕ къухы Библи, афтӕмӕй дуары раз ӕрлӕууынц, хӕдзары хицауӕн салам радтынц ӕмӕ фӕзӕгъынц:
◼ «Адӕммӕ дӕттӕм ахӕм фарст, уырнынц сӕ ӕви нӕ мӕнӕ ацы ныхӕстӕ...» Бакӕс Уӕвынады 1:1-ӕм стих ӕмӕ йӕ стӕй бафӕрс: «Разы дӕ ацы ныхӕстимӕ?» Кӕд адӕймаг сразы уа, уӕд ын зӕгъ: «Ӕз дӕр семӕ разы кӕнын. Фӕлӕ дӕм куыд кӕсы, кӕд алцыдӕр Хуыцау сфӕлдыста, уӕд фыддзинады дӕр уый у аххосджын?» Адӕймагӕн йӕ дзуаппы тыххӕй бузныг зӕгъ ӕмӕ йын бакӕс Екклесиасты 7:29-ӕм стих. Бакӕн чиныг «Базонынад» 71-ӕм фарсыл ӕмӕ бакӕс 2-аг абзац. Адӕймагӕн зӕгъ, цӕмӕй чиныг бакӕса. Кӕд хӕдзары хицау разы нӕ уа Уӕвынады 1:1-аг стихы ныхӕстимӕ, уӕд ын зӕгъ, цӕмӕй бакӕса чиныг «Сфӕлдисӕг».
5 Гыццыл дӕр чи бацымыдис кӕна, уымӕн дарддӕр дӕр ӕххуыс кӕн. Адӕймагӕн дарддӕр дӕр цымыдис кӕнынӕн куы нӕ ӕххуыс кӕнай, уӕд дӕ бон нӕ уыдзӕн бӕстон куыст кӕнын. Адӕймагимӕ хорз куы аныхас кӕнай, уӕлдай нӕу, журналтӕ йын радтай ӕви ӕндӕр исты литературӕ, уӕд ын базон йӕ ном ӕмӕ йӕ адрис. Адӕймагмӕ дыккаг хатт ӕвӕстиатӕй бацу ӕмӕ ӕппӕт тыхтӕй бацархай, цӕмӕй йын дарддӕр дӕр цымыдис кӕнынӕн баххуыс кӕнай. Ӕнӕмӕнг ын зӕгъ Библи ахуыр кӕныны тыххӕй.
6 Фыццаг ӕнусы цӕрӕг ахуыргӕнинӕгтӕ зыдтой, Йесо сын кӕй бафӕдзӕхста «бӕстон хъусын кӕнын» (Ап. к. 10:42, НД). Уыцы фӕдзӕхст хауы махмӕ дӕр, уымӕн ӕмӕ ӕрмӕстдӕр афтӕмӕй у нӕ бон ахуыргӕнинӕгтӕ цӕттӕ кӕнын (Матф. 28:19, НД, 20). Уӕдӕ нӕ бон цы у, уый аразӕм, цӕмӕй бӕстон куыст кӕнӕм (2 Тим. 4:5, НД).