Иубонон конгрессы ног программӕ
2008 лӕггады азы иубонон конгрессы ном ист у Исайы 64:8 ӕмӕ хуыйны «Мах стӕм ӕлыг, Йегъовӕ та – нӕ Дурынгӕнӕг». Ацы конгрессы Библийӕ цы уынаффӕтӕ фехъусӕм, уыдоны фӕрцы тынгдӕр аргъ кӕндзыстӕм нӕ кадджын Дурынгӕнӕг Йегъовӕйы зонд, рӕстдзинад, хъару ӕмӕ уарзондзинадӕн.
Районон цӕстдарӕджы раныхасӕй, «Лӕггад кӕнӕм, кадджын хъуыддагӕн чи у, ахӕм мигӕнӕнтау», зӕгъгӕ, базондзыстӕм абон фылдӕрӕй-фылдӕр куыд кӕнынц, рӕстдзинад чи базоны ӕмӕ йӕхӕдӕг иннӕтӕн хорз хабар ӕхсызгонӕй чи хъусын кӕны, уыцы адӕм. Раныхасӕй, «Арф куы хъуыды кӕнӕм, уӕд нӕхи бахъахъхъӕндзыстӕм», зӕгъгӕ, базондзыстӕм, Йегъовӕйы фӕдзӕхстытыл лӕмбынӕг куы хъуыды кӕнӕм, уӕд нын уый куыд ӕххуыс кӕндзӕн, уый. Филиалӕй хуынд ӕфсымӕр ныхасы рацӕудзӕн ахӕм темӕтимӕ: «Ацы дунейы ӕгъдаумӕ гӕсгӕ мауал цӕрут» ӕмӕ «Кадджын Дурынгӕнӕг дӕ куыд ивы, уымӕ гӕсгӕ архай». Ныййарджытӕн ӕмӕ сывӕллӕттӕн ӕхсызгон уыдзӕн байхъусын раныхӕстӕм, «Йегъовӕйы хъуыддагӕн чи бӕззы, ахӕм фӕсивӕд» ӕмӕ «Сывӕллӕтты хъомыл кӕнын ӕмӕ ахуыр кӕнын хауы ныййарджытӕм», зӕгъгӕ. Равдыстытӕ ӕмӕ интервьюты байхъусдзыстӕм ӕмӕ фендзыстӕм, хотӕ ӕмӕ ӕфсымӕртӕ куыд лӕггад кӕнынц, уый. Хорз уаид, ацы конгрессы донаргъуыд райсын кӕй фӕнды, уыдон уый тыххӕй рагацау куы зӕгъиккой ӕмбырды сӕрдариуӕггӕнӕг ӕфсымӕрӕн. Ма уӕ ферох уӕд ӕрбахӕссын, конгрессы къуыри цы «Хъахъхъӕнӕн мӕсыг» ахуыр кӕндзыстӕм, уый дӕр.
Нӕ кадджын Дурынгӕнӕг Йегъовӕ цыфӕнды ма сфӕнд кӕна, уый йӕ къухы бафты. Фӕлӕ махӕй алкӕмӕндӕр йӕ бон у ӕвзарын, Хуыцаумӕ хъусдзӕн ӕви нӕ. Дурынгӕнӕг мигӕнӕн куыд фӕаразы, куыд ӕй слӕгъз кӕны ӕмӕ йӕ куыд басудзы, афтӕ, Йегъовӕйы зондамындмӕ чи хъусы, уыдонӕй дӕр пайда кӕны кадджын мигӕнӕнтау. Йӕ коммӕ куы кӕсӕм, уӕд ын уымӕй кад хӕсдзыстӕм ӕмӕ бирӕ хорздзинӕдтӕй хайджын уыдзыстӕм.