Иубонон конгрессы ног программӕ
Иубонон конгресс 2009 азӕн хуыйны «Дӕ лӕггадыл ӕнувыд у ӕмӕ йӕ ӕххӕст кӕн» (Кол. 4:17). Мах нӕ лӕггадмӕ куыдфӕндыйы цӕстӕй нӕ кӕсӕм. Нӕ нысан у Чырыстийау иузӕрдионӕй лӕггад кӕнын (Иоан. 17:4). Уыцы хъуыддаджы нын апостол Павел дӕр фӕзминаг у. Уый фидарӕй сфӕнд кодта йӕ фӕндагыл кӕронмӕ ацӕуын (Ап. хъ. 20:24).
Районон цӕстдарӕг радзурдзӕн, хъусынгӕнджытӕ сӕ лӕггады цы зындзинӕдтыл сӕмбӕлынц, уыдоныл куыд уӕлахиз кӕнынц, уый тыххӕй. Стӕй йӕ раныхасы, «Цы байтауӕм, уымӕ зилӕм», бамбарын кӕндзӕн, нӕ бон куыд у ӕххуыс кӕнын, «йӕ зӕрдӕ ӕнусон цардмӕ здӕхт кӕмӕн у, уыдонӕн» (Ап. хъ. 13:48). Филиалӕй хуынд ӕфсымӕр йӕ раныхасы, «Ӕвдисӕм, Хуыцауы лӕггадгӕнджытӕ кӕй стӕм, уый», зӕгъгӕ, стихгай равзардзӕн 2 Коринфӕгтӕм 6:1–10. Фӕссихор та йын уыдзӕн раныхас «Дӕ лӕггадӕн аргъ кӕн». Кӕй зӕгъын ӕй хъӕуы, тынг нӕ бафидар кӕндзысты раныхӕстӕ «Ӕрыгӕттӕ ӕмӕ ацӕргӕтӕ зӕрдӕрухсӕй лӕггад кӕнынц» ӕмӕ «Хуыцауӕн чи лӕггад кӕны, уыцы фӕсивӕд». Районон кӕнӕ иубонон конгрессы донаргъуыд райсын кӕй фӕнды, уыдон рагацау бацӕуӕнт сӕрдариуӕггӕнӕг цӕстдарӕгмӕ. Нӕ конгрессты алы хатт дӕр цыбыртӕй ӕркӕсӕм статьямӕ «Хъахъхъӕнӕн мӕсыг»-ӕй. Ма-иу ферох кӕнут ӕрбахӕссын, уыцы къуыри цы журнал ахуыр кӕндзыстӕм, уый.
Мах хъуамӕ нӕ лӕггадыл ӕнувыд уӕм ӕмӕ нӕ хъус дарӕм, Йегъовӕ нын цы куыст бахӕс кодта, уый бынат ӕндӕр хъуыддӕгтӕ куыд нӕ бацахсой. Ацы конгресс не ’ппӕтӕн дӕр баххуыс кӕндзӕн, цӕмӕй нӕ лӕггадмӕ раст цӕстӕй кӕсӕм ӕмӕ дзы рохуаты мацы уадзӕм.