Писмо филиалӕй

Зынаргъ хъусынгӕнджытӕ

Ӕхсызгон нын у, 2007 лӕггады азы нӕ къухы бирӕ ӕнтыстытӕ кӕй бафтыд, Уӕрӕсейы филиал йӕ хъус цы территоримӕ дары, уым. Уӕрӕсейы октябрӕй маймӕ фылдӕрӕй-фылдӕр кодтой ӕххӕстрӕстӕг пионертӕ ӕмӕ систы 20 000 фылдӕр! Бӕрӕг у, куыд нӕ разӕнгард кодтой, афтӕ бирӕты кӕй бафӕндыд, хъусынгӕнджытӕ кӕм нӕ фаг кӕны, уырдӕм ацӕуын ӕмӕ уалдзӕджы ӕххуысгӕнӕг пионертӕй лӕггад кӕнын. 2006 азы январӕй нӕ филиал райста хъусынгӕнджытӕй ӕмӕ бинонтӕй 240 писмойӕ фылдӕр. Фыстой, кӕй сӕ фӕнды, ӕххуыс кӕм хъӕуы, уырдӕм ацӕуын. Бирӕтӕ ӕндӕр рӕттӕм ацӕуынц, се ’мбӕлттӕ сӕ кӕй фӕхонынц кӕнӕ сын районон цӕстдарджытӕ кӕй бауынаффӕ кӕнынц, уый тыххӕй. Беларуси ӕмӕ Уӕрӕсейӕн сӕ фылдӕр хайы нырма тынг хъӕуы хъусынгӕнджыты ӕххуыс. Уӕдӕ уӕ разӕнгард кӕнӕм, цӕмӕй дарддӕр архайат ӕмӕ фылдӕр лӕггад кӕнат (Иоан. 4:35–38).

Уӕрӕсейы байуӕрстой 8 милуан трактаты «Тагъд мӕнг дин фесӕфдзӕн!». 9 азы дӕргъы искуы иу хатт йеддӕмӕ чи нӕ хъусын кодта ӕмӕ ӕмбырдтӕм арӕх чи нӕ цыд, ахӕм ӕнӕаргъуыд хъусынгӕнӕгимӕ ацы трактатыл иу пионер аныхас кодта. Ӕмӕ уый руаджы ногӕй ӕмбырдтӕм цӕуын ӕмӕ хъусын кӕнын райдыдта ӕмӕ ныр йӕхи цӕттӕ кӕны донаргъуыд райсынмӕ. Уӕрӕсейы 2006 азы облӕстон конгресмӕ хуынды гӕххӕттытӕ кӕй парахат кодтам, уый фӕрцы конгресмӕ ӕрбацыд 11 000 адӕймагӕй фылдӕр, 2005 азимӕ абаргӕйӕ.

Ахӕм зиутӕ арӕзт цӕуынц, цӕмӕй сыгъдӕгзӕрдӕ адӕм базоной, Библи бӕлвырдӕй цы дзуры, уый (Матф. 28:19, 20). Уӕ хорзӕхӕй, уацамынды уӕ хъус дарут, иу гыццыл дӕр уӕм чи байхъуыста, уыцы адӕммӕ ӕмӕ-иу сӕм ногӕй бацӕут, цӕмӕй семӕ Библи ахуыр кӕнын райдайат. Ӕхсызгон нын у уемӕ иумӕ уӕхски-уӕхск лӕггад кӕнын. Фӕнды нӕ зӕгъын, бирӕ уӕ кӕй уарзӕм.

Уе ’фсымӕртӕ,

Уӕрӕсейы филиал