Сӕрмагонд бон адӕмӕн Библи ахуыр кӕныны тыххӕй дзурынӕн
1 Январӕй райдайгӕ алы ӕмбырд дӕр рахицӕн кӕндзӕн улӕфты бонтӕй кӕцыдӕр, зӕгъӕм, мӕйы фыццаг къуыри, цӕмӕй адӕмӕн дзурой Библи ахуыр кӕныны тыххӕй. Уый уыдзӕн сабат кӕнӕ хуыцаубон, уавӕртӕ куыд амоной, уымӕ гӕсгӕ. Кӕд хӕдзары хицау Библи ахуыр кӕныныл нӕ разы кӕна, уӕд ын раттӕн уыдзӕн чиныг «Библи цы дзуры?» кӕнӕ ног журналтӕ. Хистӕр нӕлгоймӕгтӕ ӕмӕ кӕстӕриуӕггӕнӕг ӕфсымӕртӕ иууылдӕр хъуамӕ уыцы хъуыддаджы зӕрдиагӕй архайой ӕмӕ хъусынгӕнджытӕн ӕххуыс кӕной, цӕмӕй адӕмимӕ Библи ахуыр кӕнын райдайой.
2 Ӕмбырды комитет снысан кӕндзӕн, хъусынгӕнджытӕ адӕмимӕ Библи ахуыр кӕныны тыххӕй цы бон дзурдзысты, уый. Хъусынгӕнджыты зӕрдыл лӕууын кӕндзысты, цӕмӕй сӕхи хорз цӕттӕ кӕной ӕмӕ ӕппӕт хъарутӕй архайой, хӕдзарӕй хӕдзармӕ кӕуыл ӕмбӕлынц кӕнӕ фылдӕр базонын кӕй фӕнды, уыдонимӕ Библи ахуыр кӕнын райдайын.
3 Нӕхи куыд цӕттӕ кӕнӕм. Адӕмимӕ ныхас куыд райдайӕн ис, уый тыххӕй хорз цӕвиттонтӕ ссарӕн ис 2006 азы январы «Нӕ хъусын кӕныны хъуыддаджы» уӕлӕмхасӕн сыфтыл ӕмӕ чиныг «Рассуждение»-йы 3 фарсыл. Иуӕй-иутӕ та, гӕнӕн ис, спайда кӕной трактатӕй «Рӕстдзинад базонын дӕ фӕнды?». Хорз уынаффӕтӕ ма ис ссарӕн 2007 азы августы «Нӕ хъусын кӕныны хъуыддаджы» 3 фарсыл. Уыцы уынаффӕтӕ нын быххуыс кӕндзысты, уымӕй размӕ журналтӕ кӕмӕн ныууагътам, уыдонимӕ Библи ахуыр райдайынӕн. Хистӕр нӕлгоймӕгтӕ ӕмӕ-иу кӕстӕриуӕггӕнӕг ӕфсымӕртӕ скӕндзысты 10–15 минутон уацамындон фембӕлдтӕ. Уыцы фембӕлдты лӕвӕрд цӕудзӕн иу-дыууӕ уынаффӕйы кӕнӕ равдисдзысты, куыд ис Библийы ахуыр райдайӕн.
4 Кӕй зӕгъын ӕй хъӕуы, алкӕй нӕ бафӕнддзӕн Библи ахуыр кӕнын. Чи сразы уа, уыдонӕй дӕр алкӕй нӕ бафӕнддзӕн йӕ ахуыр адарддӕр кӕнын. Фӕлӕ нӕ уый хъуамӕ ма къуылымпы кӕна адӕмӕн Библийы ахуыры тыххӕй дзурын, уымӕн ӕмӕ Йегъовӕ йӕхӕдӕг ӕрбакӕны йӕ организацимӕ фысау сабыр адӕмы (Иоан. 6:44). Махӕн нӕ хӕс ӕрмӕст рӕстдзинады мыггӕгтӕ тауын нӕу, фӕлӕ ма сӕм зилын ӕмӕ сыл дон кӕнын дӕр, ӕмӕ уымӕ хауы сыгъдӕгзӕрдӕ адӕмимӕ Библи ахуыр кӕнын. Афтӕмӕй мах кӕнӕм кадджын куыст – Хуыцауимӕ кусӕм (1 Кор. 3:9).