Алцыдӕр «аразӕм хорз хабары тыххӕй»
1. Цы нӕ фӕнды аразын ӕмӕ цӕмӕн?
1 Апостол Павел йӕ хӕсыл нымадта иннӕтӕн хорз хабар дзурын (1 Кор. 9:16, 19, 23). Мах дӕр зӕрдиагӕй архайдзыстӕм адӕмӕн хорз хабар хъусын кӕныныл, уымӕн ӕмӕ нӕ фӕнды, цӕмӕй ӕнустӕм цӕрой.
2. Нӕ хъуыддӕгтӕ куыд хъуамӕ спълан кӕнӕм ӕмӕ цӕмӕн?
2 Хъусын кӕнӕм, адӕм кӕм ис, уым. Хорз кӕсагахсӕг, йӕхицӕн кӕд ӕмӕ кӕм ӕнцондӕр у, уым нӕ фӕахсы кӕсаг, фӕлӕ фылдӕр кӕд ӕмӕ кӕм вӕййы, уым. Мах дӕр «адӕмахсджытӕ» кӕй стӕм, уымӕ гӕсгӕ хъуамӕ хъусын кӕнынмӕ цӕуӕм, нӕ участокты фылдӕр адӕмы баййафӕн кӕд вӕййы, уӕд. Афтӕмӕй «алыхуызон кӕсӕгтӕ» ахсдзыстӕм ӕмӕ нӕ куыстӕй нӕ зӕрдӕ тынгдӕр райдзӕн (Матф. 4:19; 13:47). Цымӕ нӕ бон нӕу изӕры, адӕм хӕдзары куы вӕййынц, уӕд хъусын кӕнын кӕнӕ райсомӕй раджы уынджы, куыстмӕ куы фӕцӕуынц, уӕд? Павелӕн йӕ нысан уыд «хорз хабар адӕмӕн бӕстон хъусын кӕнын», ӕмӕ-иу ын фадат куы фӕзынд, уӕд-иу дзы спайда кодта (Ап. хъ. 17:17; 20:20, 24).
3, 4. Нӕ ныхас уавӕртӕм гӕсгӕ куыд ивӕм ӕмӕ нын цы бантысдзӕн?
3 Дӕ ныхас уавӕртӕм гӕсгӕ ив. Цӕмӕй кӕсагахсӕг цавӕрдӕр кӕсаг ӕрцахса, уый тыххӕй алыхуызон мадзӕлттӕй фӕархайы – йе ’нгуырыл куы цы бакӕны, куы цы. Нӕ бон куыд у афтӕ ныхас кӕнын, цӕмӕй адӕймаг хорз хабармӕ байхъуса? Нӕ участокты адӕмы тынгдӕр цы тыхсын кӕны, ууыл-иу уӕзданӕй ныхас кӕнын райдайӕм, стӕй-иу сӕм лӕмбынӕг байхъусӕм (Иак. 1:19). Уый тыххӕй сӕ нӕ бон у сӕ хъуыдыйӕ бафӕрсын (Ӕмб. 20:5). Афтӕмӕй нӕ ныхас уавӕртӕм гӕсгӕ ивдзыстӕм, цӕмӕй сӕ цы тыхсын кӕны, ууыл ныхас кӕнӕм. Павел «алыхуызон адӕмӕн дӕр сси алцыдӕр» (1 Кор. 9:22). Нӕ ныхас уавӕртӕм гӕсгӕ куы ивӕм, уӕд адӕмы зӕрдӕтӕм фӕндаг ссардзыстӕм.
4 Куыд ӕхсызгон у, «хуыздӕр цыдӕр кӕй уыдзӕн, уый тыххӕй хорз хабар» хъусын кӕнын! (Ис. 52:7). Цӕй уӕдӕ алцыдӕр «аразӕм хорз хабары тыххӕй», цӕмӕй йӕ, гӕнӕн уӕвгӕйӕ, фылдӕр адӕмӕн фехъусын кӕнӕм (1 Кор. 9:23).
[Таблицӕ 3–6 фарсыл]
ЙЕГЪОВӔЙЫ ӔВДИСӔНТЫ ӔППӔТДУНЕОН ХЫГЪД 2008 ЛӔГГАДЫ АЗӔН
(Кӕс публикацимӕ)