Дӕ бон у дӕ график фӕивын?
1. Нӕ график нӕ ивын цӕмӕн хъӕуы?
1 Мах, ӕцӕг чырыстӕттӕ, сразы стӕм, цӕмӕй «адӕймӕгты ахсджытӕ» уӕм (Матф. 4:19). Ӕцӕг кӕсагахсджытау махӕн дӕр адӕймӕгтӕ ахсыны куысты фылдӕр бантысдзӕн, сӕ хӕдзӕртты куы вӕййынц, уӕд сын куы хъусын кӕнӕм. Тагъд бон фӕдаргъдӕр уыдзӕн ӕмӕ нын хъусын кӕнынӕн дӕр уыдзӕн фылдӕр рӕстӕг. Адӕмӕн сӕ фылдӕр хӕдзары вӕййынц фӕссихор ӕмӕ изӕрыгӕтты. Арӕхдӕр уыцафон ӕвдӕлондӕр вӕййынц ӕмӕ, гӕнӕн ис, хуыздӕр байхъусой. Дӕ бон у дӕ график афтӕ фӕивын, цӕмӕй уыцы афӕтты хъусын кӕнай? (1 Кор. 9:23).
2. Нӕ бон куыд бауыдзӕн хорз хабар фылдӕр адӕмӕн фехъусын кӕнын?
2 Хъусын кӕнын изӕрыгӕтты. Изӕрыгӕтты хъусын кӕнын рагацау куы спълан кӕнӕм, уӕд нӕ бон бауыдзӕн хорз хабар фылдӕр адӕмӕн радзурын (Ӕмб. 21:5). Ӕрыгӕттӕн сӕ бон у хъусын кӕнын фӕсахуыр. Иннӕтӕн та – фӕскуыст. Иуӕй-иу чиныгахуыртӕн сӕ бон уаид баныхас кӕнын, цӕмӕй фембӕлды размӕ иу сахат хъусын кӕной.
3. Кӕм цӕрут, уым фӕссихор кӕнӕ изӕрыгӕтты уӕ бон хъусын кӕнын куыд у?
3 Хӕдзарӕй-хӕдзармӕ фӕссихор кӕнӕ изӕрыгӕтты куы цӕуӕм, уӕд нӕ бон уыдзӕн аныхас кӕнын, боныгон сӕхимӕ чи нӕ вӕййы, уыцы адӕмимӕ. Бирӕ рӕтты ма изӕрыгӕтты хъусын кӕнӕн ис уынгты, стӕй, адӕм кӕм вӕййы, ӕндӕр ахӕм бынӕтты дӕр. Ӕмӕ бирӕтӕ зӕгъынц, зӕгъгӕ, адӕммӕ ногӕй бацӕуынӕн ӕмӕ Библи ахуыр кӕнын райдайынӕн изӕрӕй хуыздӕр рӕстӕг нӕй.
4. Изӕрыгӕтты хъусын кӕнынмӕ куы цӕуӕм, уӕд ӕмбаргӕ цӕмӕн хъуамӕ уӕм ӕмӕ иннӕтыл цӕмӕн хъуамӕ хъуыды кӕнӕм?
4 Хъӕуы ӕмбаргӕдзинад. Изӕрыгӕтты куы хъусын кӕнӕм, уӕд хъуамӕ уӕм ӕмбаргӕ. Хуыздӕр уаид ӕнафонмӕ-иу куы нӕ хъусын кӕниккам ӕмӕ-иу адӕммӕ фынӕйафон куы нӕ цӕуиккам (Фил. 4:5). Дуар куы бахойыс, уӕд-иу, хорз кӕм зынай, ахӕм бынаты слӕуу ӕмӕ-иу зӕгъ, чи дӕ, уый. Хъусӕй-иу ма лӕуу, фӕлӕ-иу ӕнӕ ракӕ-бакӕйӕ де ’рбацыды сӕр бамбарын кӕн. Зӕгъӕм, бинонтӕ ӕхсӕвӕр хӕрынц, афтӕ сӕм бадзырдтай, уӕд зӕгъ, ӕндӕр рӕстӕг сӕм кӕй ӕрбацӕудзынӕ. Алкӕддӕр иннӕтыл хъуыды кӕн (Матф. 7:12).
5. Хъусын кӕнгӕйӕ тӕссаг уавӕртӕй нӕ бон нӕхи хизын куыд у?
5 Зӕрдыл дарын ма хъӕуы, хи хизын цӕмӕй хъӕуы, уый дӕр. Изӕрдалынгты куы хъусын кӕнат, уӕд хорз уаид дыгӕйттӕй кӕнӕ къордгӕйттӕй куы цӕуиккат. Цӕут, цырӕгътӕ кӕм судзынц ӕмӕ адӕм кӕм ис, ахӕм уынгты. Хъусын кӕнут, уӕхи ӕдас кӕм хатат, ӕрмӕстдӕр ахӕм рӕтты. Талынджы тӕссаг кӕм у, ахӕм бынӕттӕй уӕхи хизут (Ӕмб. 22:3).
6. Фӕссихор кӕнӕ изӕрыгӕтты куы хъусын кӕнӕм, уӕд нӕ бон цы бауыдзӕн?
6 Изӕрыгӕтты кӕнӕ фӕссихор куы хъусын кӕнӕм, уӕд нӕ бон уыдзӕн пионертӕй ӕмӕ ӕххуысгӕнӕг пионертӕй лӕггад кӕнын (Ром. 1:12). Дӕ бон у дӕ график афтӕ фӕивын, цӕмӕй изӕрыгӕтты хъусын кӕнай?