Дӕ бон у изӕрыгӕтты хъусын кӕнын?
1. Иу чиныджы куыд фыст ис, афтӕмӕй апостол Павел хӕдзарӕй-хӕдзармӕ кӕд хъусын кодта?
1 Иу чиныджы куыд фыст ис, афтӕмӕй апостол Павел хӕдзарӕй-хӕдзармӕ хъусын кодта «изӕры цыппар сахатӕй суанг ӕмбисӕхсӕвтӕм» (Daily Life in Bible Times). Мах ӕй нӕ зонӕм, Павел алы бон дӕр афтӕ хъусын кодта ӕви нӕ, фӕлӕ зонӕм, йӕ бон цы уыди, уый кӕй арӕзта «хорз хабары тыххӕй» (1 Кор. 9:19–23). Ӕмӕ-иу ӕвӕццӕгӕн, йӕ хъуыддӕгтӕ афтӕ спълан кодта, цӕмӕй-иу хӕдзарӕй-хӕдзармӕ хъусын кодтаид, адӕмӕн сӕ фылдӕр сӕ хӕдзӕртты куы уыдысты, уӕд.
2. Изӕрыгӕтты хъусын кӕнын хорз цӕмӕн у?
2 Бирӕ рӕтты хъусынгӕнджытӕ къуырийы мидӕг хӕдзарӕй-хӕдзармӕ фӕхъусын кӕнынц райсомӕй. Уӕ территорийы та хуыздӕр кӕд у хӕдзарӕй-хӕдзармӕ хъусын кӕнын? Иу пионер йӕ участокы тыххӕй загъта: «Боныгон адӕм сӕ хӕдзӕртты стӕм хатт вӕййынц. Фӕлӕ сӕ фылдӕры баййафдзынӕ изӕры». Изӕрыгӕтты куы хъусын кӕнӕм, уӕд нӕ бон уыдзӕн хорз хабар фылдӕр адӕмӕн фехъусын кӕнын. Уыцы рӕстӕг адӕм вӕййынц сӕрибардӕр ӕмӕ ӕнӕзивӕгдӕрӕй фӕныхас кӕнынц. Кӕд уӕ территорийы хабар афтӕ у, уӕд хистӕр нӕлгоймӕгтӕ хъуамӕ уацамындон фембӕлдтӕ изӕрыгӕтты спълан кӕной.
3. Изӕрыгӕтты хъусын кӕнгӕйӕ нӕ бон куыд у ӕмбаргӕйӕ архайын?
3 Ӕмбаргӕ у. Изӕрыгӕтты куы хъусын кӕнӕм, уӕд нӕ хъӕуы ӕмбаргӕйӕ архайын. Зӕгъӕм, искӕмӕ куы бацӕуай, ӕмӕ йӕ куы не ’вдӕла, чи зоны, хӕргӕ кӕна, уӕд хуыздӕр уыдзӕн, куы йын зӕгъай, фӕстӕдӕр ӕм кӕй бацӕудзынӕ. Кӕд баталынг ис, уӕд-иу ахӕм ран слӕуу, цӕмӕй дӕ адӕймаг хорз уына ӕмӕ уал-иу ын фыццаг дӕхи бацамон ӕмӕ йын зӕгъ, де ’рбацыды нысан цы у, уый. Стӕй ма зондыл дзурӕг уыдзӕн, дыгӕйттӕй кӕнӕ къордӕй куы лӕггад кӕнӕм ӕмӕ куы цӕуӕм, адӕм кӕм змӕлынц, ахӕм уынгты ӕмӕ талынг кӕм нӕу, ахӕм подъездты. Адӕмы фынӕйы афон нӕ тыхсын кӕндзыстӕм (2 Кор. 6:3). Талынджы цӕуын тӕссаг кӕм у, ахӕм рӕтты хуыздӕр у хъусын кӕнын, цалынмӕ рухс уа, уӕдмӕ (Ӕмб. 22:3).
4. Изӕрыгӕтты куы хъусын кӕнӕм, уӕд уый цавӕр арфӕдзинӕдтӕ ӕрхӕсдзӕн?
4 Арфӕдзинӕдтӕ. Уацамынд нын фылдӕр циндзинад ӕрхӕссы, искӕмӕн хорз хабар куы радзурӕм, уӕд. Ӕмӕ цас фылдӕр адӕмӕн фехъусын кӕнӕм хорз хабар, уыйас фылдӕр адӕмӕн нӕ бон уыдзӕн баххуыс кӕнын, цӕмӕй «рӕстдзинад цы у, уый бӕлвырдӕй базоной ӕмӕ фервӕзой» (1 Тим. 2:3, 4). Дӕ бон у дӕ хъуыддӕгтӕ афтӕ спълан кӕнын, цӕмӕй изӕрыгӕтты хъусын кӕнай?