Фрстыты асыкк

◼ Раст уаид, ӕмбырдтӕ кӕнӕ Йегъовӕйы Ӕвдисӕнтӕй исчи нӕ организацийы эмблемӕтӕй куы пайда кӕнид, уӕд?

Эмблемӕ у, кӕцыдӕр организаци цӕй фӕрцы ис базонӕн, ахӕм символ кӕнӕ нысан. Хъахъхъӕнӕн мӕсыджы эмблемӕ у «Хъахъхъӕнӕн мӕсыджы, Библитӕ ӕмӕ трактатты Ӕхсӕнады (Пенсильвани)» ӕмӕ нӕ организацийы иннӕ юридикон оргӕнты символ. Йегъовӕйы Ӕвдисӕнты ӕмбырдтӕ цы бланктӕй пайда кӕнынц, уыдоныл та ис гом Библийы ныв. Нӕ организацийы иннӕ юридикон оргӕнтӕ та пайда кӕнынц ӕндӕр эмблемӕтӕй.

Ӕмбырдтӕ кӕнӕ Йегъовӕйы Ӕвдисӕнтӕй мачи хъуамӕ ныв кӕна, йе та фысса уыцы эмблемӕтӕ кӕнӕ нӕ организацийы юридикон оргӕнты нӕмттӕ Паддзахады залты (ӕддейӕ дӕр), бланктыл, дзауматыл ӕмӕ ӕндӕр истӕуыл. Уыцы эмблемӕтӕ ӕмӕ нӕмттӕ нӕй фӕивӕн ӕмӕ сӕ афтӕмӕй пайда кӕнӕн дӕр. Организацийы эмблемӕтӕй куы пайда кӕнӕм, уӕд, чи зоны, хицауад, ӕмбырды хъусынгӕнджытӕ ӕмӕ иннӕтӕ афтӕ бамбарой, цыма ӕмбырдӕн уыцы юридикон оргӕнтимӕ иумӕйагӕй цыдӕр ис. Организацийы эмблемӕ нӕ писмотыл куы уа, уӕд адӕммӕ афтӕ кӕсдзӕн, цыма уыцы писмотӕ Йегъовӕйы Ӕвдисӕнты сӕйраг хайадӕй кӕнӕ филиалӕй сты.

Хъахъхъӕнӕн мӕсыджы эмблемӕтӕй кӕнӕ нысӕнттӕй нӕй пайда кӕнӕн Паддзахады залтӕ аразгӕйӕ, кӕд залтӕ Ӕхсӕнады сты, уӕддӕр. Кӕд кӕцыдӕр Паддзахады залӕн ахӕм эмблемӕ ис, уӕд ӕй уайтагъд ивын нӕ хъӕуы, уымӕн ӕмӕ ууыл чи зоны, бирӕ рӕстӕг, тыхтӕ ӕмӕ ӕхцатӕ ацӕуа. Фӕлӕ дзы бирӕ цыдӕртӕ куы нӕ иват ӕмӕ дзы бирӕ куыст куы нӕ уа, уӕд ӕй ис раивӕн. Кӕнӕ уыцы эмблемӕ айсӕн ис, зал куы цалцӕг кӕнат, уӕд.