Хъусын кӕныны фембӕлдмӕ нӕхи куыд цӕттӕ кӕнӕм?
1. Хъусын кӕныны фембӕлдӕн йӕ нысан цы у ӕмӕ нын стыр пайда кӕд уыдзӕн?
1 Хъусын кӕныны фембӕлд нын ӕххуыс кӕны, цӕмӕй нӕ лӕггады ӕнтыстджын уӕм. Уыцы фӕмбӕлды ахуыр кӕнӕм Хуыцауы Паддзахады тыххӕй хорз хабар хъусын кӕнын, ахуыргӕнинӕгтӕ цӕттӕ кӕнын ӕмӕ, тагъд Хуыцау тӕрхон кӕй кӕндзӕн, уый тыххӕй дзурын (Матф. 28:20; Марчы 13:10; 2 Пет. 3:7). Уыцы фӕмбӕлдмӕ нӕхи хорз куы цӕттӕ кӕнӕм ӕмӕ дзы дзуапп куы дӕттӕм, уӕд нын стыр пайда уыдзӕн.
2. Раныхасмӕ лӕмбынӕг хъусынмӕ нӕхи куыд цӕттӕ кӕнӕм?
2 Раныхас. Раныхас цы ӕрмӕгыл арӕзт вӕййы, уый арӕхдӕр фыст вӕййы программӕйы. Дӕ бон ӕм у ӕркӕсын, цы стихтӕ дзы ис, уыдон бакӕсын ӕмӕ ахъуыды кӕнын, уыцамынды дзы куыд спайда кӕндзынӕ, ууыл.
3. Ӕрмӕг фарстатӕ ӕмӕ дзуаппытӕм гӕсгӕ ӕвзарынмӕ нӕхи куыд цӕттӕ кӕнӕм?
3 Ӕрмӕг фарстатӕ ӕмӕ дзуаппытӕм гӕсгӕ ӕвзарын. Фембӕлды ацы хай фӕцӕуы, «Хъахъхъӕнӕн мӕсыг»-ы ахуыр куыд фӕцӕуы, афтӕ, вӕййы йын цыбыр разныхас ӕмӕ кӕронбӕттӕн. Алы абзацы дӕр-иу сӕйраг хъуыдытӕ бахахх кӕн ӕмӕ цӕттӕ у цыбыр дзуаппытӕ дӕттынмӕ.
4. Ныхас хъусджытимӕ куы уа, уӕд нӕхи куыд цӕттӕ кӕнӕм?
4 Ныхас хъусджытимӕ. Фембӕлды ацы хай дӕр вӕййы раныхасы хуызӕн, фӕлӕ йӕ цы ӕфсымӕр фӕдзуры, уый хъусджыты дӕр сӕ хъуыдыйӕ бафӕрсы. Сӕйраг хъуыдытӕ куы бахахх кӕнай ӕмӕ стихтӕ куы бакӕсай, уӕд дӕ бон уыдзӕн фарстатӕн дзуапп дӕттын. Ӕфсымӕр бацархайдзӕн, цӕмӕй хъусджытӕ дӕр дзуапп дӕттой, сӕйраг хъуыдытӕ ӕвзӕрст куы цӕуой, уӕд.
5. Равдыстытӕ нын пайда кӕд уыдзысты?
5 Равдыстытӕ. Хъусын кӕныны фембӕлды вӕййы, уацамынды ӕцӕгдӕр спайда кӕнӕн кӕмӕй ис, ахӕм равдыстытӕ. Ӕххуыс нын кӕнынц, цӕмӕй, цы уынаффӕтыл ныхас кӕнӕм, уыдонӕй нӕ уавӕрты спайда кӕнӕм. Равдыстыты фӕархайынц хистӕр нӕлгоймӕгтӕ, фӕлтӕрдджын хъусынгӕнджытӕ ӕмӕ пионертӕ. Цӕмӕй равдыстмӕ нӕхи рагацау бацӕттӕ кӕнӕм, уый тыххӕй нӕ бон у ахъуыды кӕнын, куыд ӕй ис скӕнӕн, ууыл. Равдыст «Нӕ хъусын кӕныны хъуыддаджы» цӕвиттонмӕ гӕсгӕ арӕзт куы уа, уӕд-иу ахъуыды кӕн, уацамынды дзы куыд спайда кӕнис ӕмӕ кӕмӕн хъусын кӕныс, уымӕ гӕсгӕ дӕ ныхас куыд фӕивис. Ӕмбырдмӕ-иу ӕрбахӕсс, равдысты цы журнал кӕнӕ чиныг дӕтдзысты, уый. Уӕ бинонты ахуыры рӕстӕг дӕр-иу уыцы равдыстытӕ афӕлварут.
6. Цӕмӕн хъӕуы Хъусын кӕныны фембӕлдмӕ цӕттӕ кӕнын?
6 Нӕ Хъусын кӕныны фембӕлд нын ноджы стырдӕр пайда ӕрхӕсдзӕн, рагацау ӕм куы цӕттӕ кӕнӕм ӕмӕ дзы цы ӕрмӕг ис, ууыл куы хъуыды кӕнӕм, уӕд. Уый фӕрцы нӕ кӕрӕдзийы уырнындзинад тынгдӕр фидар кӕндзыстӕм (Ром. 1:11, 12). Хъусын кӕныны фембӕлдмӕ цӕттӕ кӕнынӕн рӕстӕг куы арӕм, уӕд ноджы хуыздӕр цӕттӕ уыдзыстӕм нӕ хӕс ӕххӕст кӕнынмӕ (2 Тим. 3:17).