Фарстаты асыкк

◼ Куыд хъуамӕ бакӕнӕм, уацамынды рӕстӕг нын хицауадӕй исчи куы зӕгъа, цӕмӕй мауал хъусын кӕнӕм?

Иуӕй-иу хатт нӕ хотӕ ӕмӕ не ’фсымӕртӕм уацамынды рӕстӕг милицӕйы кусӕг бацӕуы ӕмӕ фӕзӕгъы, закъоны сӕрты хизыс ӕмӕ мауал хъусын кӕн, зӕгъгӕ. Дӕуӕн дӕр афтӕ куы зӕгъой, уӕд-иу дӕхи уӕздан дар ӕмӕ-иу ӕнӕ ракӕ-бакӕйӕ ацу (Матф. 5:41; Фил. 4:5). Хъуыддаг аскъуыддзаг кӕныныл дӕхӕдӕг ма архай ӕмӕ нын закъонмӕ гӕсгӕ цы бартӕ ис, уыдоныл ма дзур. Фадат куы уа, уӕд-иу милиционеры бафӕрс йӕ удостоверенийы номерӕй, ӕмӕ кӕцы отделенийы кусы, уый. Стӕй-иу хабар уайтагъд хистӕр нӕлгоймӕгтӕн зӕгъ, уыдон та йӕ фехъусын кӕндзысты филиалмӕ. Бирӕуӕладзыгон хӕдзары хъусын кӕнгӕйӕ дын коммендант кӕнӕ дзы хицау чи у, уыцы адӕймаг куы зӕгъа, ам ма хъусын кӕн, зӕгъгӕ, уӕд дӕр ӕм уайтагъд хъӕуы байхъусын ӕмӕ уый тыххӕй хистӕр нӕлгоймӕгтӕн зӕгъын. Хицауадимӕ фӕлмӕнӕй ӕмӕ уӕзданӕй куы ныхас кӕнӕм, уӕд нӕхи ӕнӕхъӕугӕ зындзинӕдтӕй бахиздзыстӕм (Ӕмб. 15:1; Ром. 12:18).