Киноныв «Библия: точность истории, достоверность пророчеств»
Цӕмӕй бӕрӕг у, Библийы цы хабӕртты кой цӕуы, уыдон ӕцӕгдӕр кӕй уыдысты? Библийы цы пехуымпарӕдтӕ фыст ӕрцыд, уыдонӕй кӕцытӕ сӕххӕст сты ӕмӕ уымӕй куыд зыны, иннӕтӕ дӕр ӕнӕмӕнгӕй кӕй сӕххӕст уыдзысты? Ацы фарстатӕн дзуапп базонӕн ис кинонывӕй «Библия: точность истории, достоверность пророчеств». Ацы киноныв ис дискыл «Библия – книга фактов и пророчеств» ӕмӕ у, цы ӕртӕ кинонывы дзы ис, уыдонӕй ӕртыккаг. Бакӕс ӕм ӕмӕ, дӕлдӕр цы фарстатӕ ис, уыдонӕн дзуапп ратт.
1) Библийы цы ӕцӕг хабӕртты тыххӕй кӕсӕм, уыдон чи чи ныффыссын кодта? (Дан. 2:28) 2) Библи бӕлвырд куыд ӕвдисы рагон Египеты цард ӕмӕ, Исайы 19:3, 4 стихты цы фыст ис, уый куыд сӕххӕст? 3) Ассирийы, йӕ паддзӕхты ӕмӕ, йе сӕфт куыд хъуамӕ ӕрцыдаид, уыдӕтты тыххӕй Библи цы дзуры, уый археологи куыд сбӕлвырд кодта? (Наум 3:1, 7, 13) 4) Вавилоны тыххӕй цавӕр пехуымпарӕдтӕ сӕххӕст сты? (Йер. 20:4; 50:38; 51:30) 5) Мидо-Персийы тыххӕй цавӕр пехуымпарад сӕххӕст? (Ис. 44:28) 6) Данелы 7:6 ӕмӕ 8:5, 8 стихты цы фыст ис, уый Грецийыл куыд сӕххӕст ис? 7) Данелы 7:7 стихы фыст ныхӕстӕ куыд сӕххӕст сты, Ром уӕды рӕстӕджы ӕппӕты тыхджындӕр паддзахад куы сси, уӕд? 8) Библийы цавӕр ромаг паддзӕхты (цезӕрты) кой цӕуы? 9) Паддзах Нероны рӕстӕджы чырыстӕттӕ цытӕ ’взӕрстой? 10) Раргомады 13:11 ӕмӕ 17:10 стихты цы фыст ис, уый куыд сӕххӕст? 11) Раргомады цы ӕстӕм паддзахы кой цӕуы, уый чи у? 12) Кинонывы цавӕр хабӕрттӕ ӕвдисынц, Екклесиаст 8:9 стихы цы фыст ис, уый раст кӕй у? 13) Библийы фидӕны тыххӕй цы хабӕрттӕ фыст ис, уыдонӕй тынгдӕр кӕцытӕм ӕнхъӕлмӕ кӕсыс? 14) Ацы кинонывы руаджы иннӕтӕн куыд баххуыс кӕнӕн ис, цӕмӕй баууӕндой, Библи Хуыцауы Ныхас кӕй у, ууыл?