Цӕмӕн хъусын кӕнӕм, уымӕн дыууадӕс аххосаджы

Хорз хабар цӕмӕн хъусын кӕнӕм ӕмӕ адӕмимӕ Библи цӕмӕн ахуыр кӕнӕм? Цымӕ сӕйраджыдӕр уый тыххӕй, цӕмӕй сыгъдӕгзӕрдӕ адӕмӕн баххуыс кӕнӕм, цардмӕ цы фӕндаг кӕны, уый ссарынӕн? (Матф. 7:14). Уый фыццаг аххосаг у, фӕлӕ сӕйраг нӕу. Цӕмӕн хъусын кӕнӕм, уымӕн дӕлдӕр цы дыууадӕс аххосаджы ис, уыдонӕй дӕумӕ гӕсгӕ ӕппӕты сӕйрагдӕр кӕцы у?

1. Адӕмӕн ӕххуыс кӕнӕм, цӕмӕй фервӕзой (Иоан. 17:3).

2. Фыдгӕнджыты фӕдзӕхсӕм (Йез. 3:18, 19).

3. Библийы пехуымпарад ӕххӕст кӕны (Матф. 24:14).

4. Уый дзурӕг у Хуыцауы рӕстдзинадыл. Ничи зӕгъдзӕн, Йегъовӕ фыдгӕнджытӕн ӕрфӕсмон кӕныны фадат нӕ ратта, афтӕмӕй сӕ фесӕфта, зӕгъгӕ (Хъуыд. 17:30, 31; 1 Тим. 2:3, 4).

5. Нӕ хӕс ӕххӕст кӕнӕм, цӕмӕй Йесойы тугӕй ӕлхӕд адӕмӕн ӕххуыс кӕнӕм Хуыцауимӕ бафидауынӕн (Ром. 1:14, 15).

6. Адӕмы тугӕй сыгъдӕг стӕм (Хъуыд. 20:26, 27).

7. Ӕххуыс у нӕхи ирвӕзындзинадӕн дӕр (Йез. 3:19; Ром. 10:9, 10).

8. Ӕвдисӕм, адӕмы кӕй уарзӕм (Матф. 22:39).

9. Ӕвдисӕм, Йегъовӕйы ӕмӕ йӕ Фырты коммӕ кӕй кӕсӕм (Матф. 28:19, 20).

10. Уый хауы нӕ лӕггадмӕ (Дзут. 13:15).

11. Ӕвдисӕм, Хуыцауы кӕй уарзӕм (1 Иоан. 5:3).

12. Йегъовӕйы ном рухс кӕнӕм (Ис. 43:10–12; Матф. 6:9).

Кӕй зӕгъын ӕй хъӕуы, ӕндӕр аххосӕгтӕ дӕр ма ис. Зӕгъӕм, уацамынды фӕрцы нӕ уырнындзинад фидар кӕны, стӕй ма нӕм ахӕм стыр кад дӕр ӕрхауд, ӕмӕ Хуыцауы ӕмкусджытӕ дӕр стӕм (1 Кор. 3:9). Фӕлӕ цӕмӕн хъусын кӕнӕм, уыдонӕй ӕппӕты сӕйрагдӕр у дыууадӕсӕм. Адӕм нӕм хъусынц ӕви нӕ, уацамынды фӕрцы Хуыцауы ном рухс кӕны ӕмӕ Йегъовӕйӕн фадат дӕтты, цӕмӕй йӕ бон уа, фидистӕ йын чи кӕны, уымӕн дзуапп дӕттын (Ӕмб. 27:11). Уӕдӕ хъуамӕ ӕппынӕдзухдӕр хорз хабар амонӕм ӕмӕ йӕ хъусын кӕнӕм (Хъуыд. 5:42).