Ныфсджындӕр у: афтӕ ма хъуыды кӕн, ӕмӕ ницӕмӕ сарӕхсдзынӕ
1. Иуӕй-иутӕ адӕмӕн Библи ахуыр кӕныны тыххӕй цӕуылнӕ фӕдзурынц?
1 Чи зоны, адӕмӕн Библи ахуыр кӕныны тыххӕй нӕ фӕзӕгъыс, уымӕн ӕмӕ дӕм афтӕ фӕкӕсы, ӕмӕ дын уыцы хъуыддаг хорз нӕ рауайдзӕн. Хуыцауы рагон лӕггадгӕнджытӕй дӕр кӕмӕдӕрты, зӕгъӕм, Моисей ӕмӕ Йеремимӕ, хатт афтӕ каст, ӕмӕ сӕ бон нӕ бауыдзӕн, цы хӕстӕ сыл ис, уыдон сӕххӕст кӕнын (Рац. 3:10, 11; 4:10; Йер. 1:4–6). Абон дӕр бирӕтӕм афтӕ фӕкӕсы, фӕлӕ ахӕм уавӕры цы саразӕн ис?
2. Афтӕ цӕуылнӕ хъуамӕ хъуыды кӕнӕм, зӕгъгӕ, хӕдзарӕй-хӕдзармӕ хъусын кӕндзынӕн, Библийы ахуыртӕ та иннӕтӕ уадзӕнт?
2 Хъуамӕ нӕ рох ма уа, Йегъовӕ нӕ кӕй нӕ домы, нӕ бон цы нӕу, уый (Пс. 103:14). Уӕдӕ нын цы хъуыддаг бахӕс кодта, зӕгъгӕ, «цӕттӕ кӕнут ахуыргӕнинӕгтӕ... ӕмӕ сӕ ахуыр кӕнут», уый ӕххӕст кӕнын нӕ бон у (Матф. 28:19, 20). Йегъовӕ уыцы кадджын куыст ӕрмӕст фӕлтӕрдджын ӕмӕ дзырдарӕхст хъусынгӕнджытӕн нӕ бахӕс кодта (1 Кор. 1:26, 27). Уымӕ гӕсгӕ афтӕ ма хъуыды кӕнӕм, зӕгъгӕ, хӕдзарӕй-хӕдзармӕ хъусын кӕндзынӕн, Библийы ахуыртӕ та иннӕтӕ уадзӕнт.
3. Йегъовӕ цы сарӕзта, цӕмӕй нӕ бон уа адӕмимӕ Библи ахуыр кӕнын?
3 Йегъовӕ нӕ ахуыр кӕны. Ахуыргӕнинӕгтӕ цӕттӕ кӕнын нӕ бон у Йегъовӕйы фӕрцы (2 Кор. 3:5). Йӕ организацийы уылты нын бацамыдта, ацы дунейы ӕппӕты ахуыргонддӕр адӕм цы нӕ зонынц, уый – Библийы рӕстдзинад (1 Кор. 2:7, 8). Йегъовӕ батыхсти, цӕмӕй фыст ӕрцыдаиккой, ӕппӕты хуыздӕр Ахуыргӕнӕг, Йесо Чырысти, адӕмы ахуыргӕнгӕйӕ цы мадзӕлттӕй пайда кодта, уыдон. Стӕй нӕ Йегъовӕ ахуыр кӕны ӕмбырдты дӕр. Уымӕй уӕлдай-ма нын дӕтты, адӕмимӕ Библи ахуыр кӕнынӕн чи баххуыс кӕндзӕн, ахӕм публикацитӕ. Уыцы публикациты нын рӕстдзинад ӕмбарын кӕнынц хуымӕтӕг ӕмӕ ӕнцонӕмбарӕн ӕвзагыл. Адӕмимӕ Библи ахуыр кӕнын, махмӕ куыд кӕсы, уымӕй бирӕ ӕнцондӕр у.
4. Фидарӕй нӕ цӕмӕн хъуамӕ уырна, Йегъовӕ нын кӕй баххуыс кӕндзӕн?
4 Йегъовӕйы фӕрцы Моисей ӕмӕ Йеремийӕн сӕ бон баци сӕ хӕстӕ сӕххӕст кӕнын (Рац. 4:11, 12; Йер. 1:7, 8). Махӕн дӕр нӕ бон у Йегъовӕйӕ ӕххуыс курын. Стӕй, адӕймагимӕ Библи куы фӕахуыр кӕнӕм, уӕд ын Йегъовӕйы тыххӕй рӕстдзинад фӕамонӕм, ӕмӕ уый Хуыцауӕн ӕхсызгон вӕййы (1 Иоан. 3:22). Уӕдӕ дӕ разы нысан сӕвӕр, цӕмӕй искӕимӕ Библи ахуыр кӕнай. Нӕ лӕггады ацы хъуыддаг хӕссы ӕппӕты стырдӕр циндзинад ӕмӕ стырдӕр арфӕдзинӕдтӕ.