Уацамынды нӕ ныхас куыд райдайӕм
Февралы фыццаг сабаты куыд ис искӕимӕ Библи ахуыр кӕнын райдайӕн.
«Бирӕтӕ ӕмбарынц, дунейы цы ’взӕр хъуыддӕгтӕ цӕуы, уыдон Хӕйрӕджы аххосӕй кӕй сты. Фӕлӕ сӕм ӕвзӕры фарста: „Хӕйрӕг кӕцӕй фӕзынд? Хуыцау ӕй сфӕлдыста?“ Ды та цы хъуыды кӕныс уый тыххӕй? [Бауадз ӕй йӕ хъуыды зӕгъын.] Ӕркӕс-ма, ам цы фыст ис, уымӕ». Равдис ын брошюрӕйӕ «Моисей нын фӕзминаг цӕмӕй у?» фӕстаг фарсыл цы статья ис, уый, ӕмӕ аныхас кӕнут, фыццаг дӕлсӕргондыл ӕмӕ дзы цы стих ис, ууыл. Брошюрӕ йын ныууадз ӕмӕ йын зӕгъ, ӕндӕр хатт ӕм кӕй бацӕудзынӕ, цӕмӕй иннӕ фарстайыл аныхас кӕнат.
Брошюрӕ «Моисей нын фӕзминаг цӕмӕй у?».
«Фӕнды нӕ базонын, чырыстӕттӕ, дзуттӕгтӕ ӕмӕ пысылмӕттӕ кӕмӕн кад кӕнынц, уыцы адӕймаджы тыххӕй цы хъуыды кӕныс, уый. Уыцы адӕймаг у Моисей. Йӕ ном ын куы фехъусыс, уӕд фыццаг цӕуыл ахъуыды кӕныс? [Бауадз ӕй йӕ хъуыды зӕгъын.] Кӕд-иу уый дӕр фӕрӕдыд, уӕддӕр цымыдисаг у, Библи дзы цы зӕгъы, уый. [Бакӕс Дыккаг закъон 34:10–12.] Ацы брошюрӕйы фыст ис, Моисеймӕ цы хорз миниуджытӕ уыд, уыдонӕй ӕртӕйы тыххӕй ӕмӕ йӕ нӕ бон куыд у фӕзмын, уый тыххӕй дӕр».