Уацамынды нын чи ӕххуыс кӕны, ахӕм статьятӕ
1. Цавӕр дыууӕ нысаны ис рубрикӕйӕн «Ныхас цавӕрдӕр фарстайыл»?
1 Парахат кӕй кӕнӕм, уыцы брошюрӕйы рӕстӕгӕй-рӕстӕгмӕ вӕййы рубрикӕ «Ныхас цавӕрдӕр фарстайыл». Ацы рубрикӕйӕн ис дыууӕ нысаны: Библийы ахуырӕдтӕ ӕнцонтӕй ӕмбарын кӕнын ӕмӕ равдисын, нӕ бон куыд у уыцы хабӕрттыл иннӕтимӕ уӕзданӕй ныхас кӕнын (1 Пет. 3:15). Ацы статьятӕй хорз куыд пайда кӕнӕм?
2. Нӕ бон куыд у ацы статьятӕй уацамынды пайда кӕнын?
2 Уацамынды сӕ пайда кӕнӕм. Ацы статьятӕ цы брошюрӕты сты, уыдонӕй нӕ бон у нӕхимӕ цалдӕр дарын. Кӕд, фылдӕр базонын кӕй фӕнды кӕнӕ Библи кӕимӕ ахуыр кӕныс, уый дӕм цы фарста радта кӕнӕ йӕ цы темӕ цымыдис кӕны, ууыл ацы статьяты ныхас цыди, уӕд ын брошюрӕ ратт ӕмӕ йыл иумӕ аныхас кӕнут. Брошюрӕ нӕм куы нӕ уа, уӕд, цы статья нӕ хъӕуы, уый нӕ бон у рафыссын сайтӕй jw.org.
3. Нӕ бон куыд у адӕймагимӕ ацы статьятӕй искӕцыйыл аныхас кӕнын?
3 Нӕ бон куыд у адӕймагимӕ ацы статьятӕй искӕцыйыл аныхас кӕнын? Иуӕй-иутӕ адӕймагӕн фӕзӕгъынц, цӕмӕй йӕ рольтӕм гӕсгӕ бакӕсой – уый адӕймаджы ныхӕстӕ, йӕхӕдӕг та Ӕвдисӕны ныхӕстӕ. Статья афтӕ кӕй фӕкӕсынц, уый фӕрцы адӕймаг хуыздӕр базоны, цӕуыл ӕууӕндӕм, ӕмӕ къаддӕр фӕтыхсы (Дык. з. 32:2).
4. Ацы статьяты фӕрцы нӕ бон куыд у нӕхи ахуыр кӕнын?
4 Нӕхи дӕр ӕмӕ иннӕты дӕр ахуыр кӕнӕм. Ацы статьятӕ кӕсгӕйӕ-иу нӕ хъус ӕрдарӕм стихтӕм, нывтӕм ӕмӕ дзы хъуыдытӕ фӕд-фӕдыл куыд ӕвзӕрст цӕуынц, уымӕ. Стӕй дзы ныхасгӕнджытӕ куыд фӕлмӕнӕй ӕмӕ куыд уӕзданӕй дзурынц, уымӕ дӕр. Уый фӕстӕ-иу бацархайӕм, цӕмӕй-иу мах дӕр уацамынды афтӕ ныхас кӕнӕм (Ӕмб. 1:5; 9:9). Иу хо загъта: «Ацы статьятӕ кӕсгӕйӕ раст цыма „алцӕмӕй ӕххӕст“ пионерӕй фӕахуыр кӕнын, афтӕ вӕййы. Уый алкӕддӕр фӕзоны, цы зӕгъын хъӕуы, уый!»
5. Библи кӕимӕ ахуыр кӕнӕм, уыдоны нӕ бон куыд у уацамындмӕ цӕттӕ кӕнын?
5 Нӕ бон ма у ацы статьяты фӕрцы, Библи кӕимӕ ахуыр кӕнӕм, уый уацамындмӕ цӕттӕ кӕнын дӕр. Статья иумӕ бакӕсут, ӕмӕ дӕ ахуыргӕнинаг хъусынгӕнӕджы ныхӕстӕ бакӕсӕд. Афтӕмӕй йӕ бон уыдзӕн, цӕуыл ӕууӕнды, уый уӕзданӕй ӕмбарын кӕнын (Кол. 4:6). Цӕмӕй «нӕ лӕггады рохуаты мацы уадзӕм», уый тыххӕй нын Йегъовӕ цы мадзӕлтты фӕрцы ӕххуыс кӕны, уыдонӕй сты ацы статьятӕ дӕр (2 Тим. 4:5).