Архайӕм арӕхстджындӕрӕй хъусын кӕныныл. Нӕ ныхас нын ӕрдӕгыл куы аскъуыной, уӕд цавӕр дзуапп ратдзыстӕм

Уый ахсджиаг цӕмӕн у. Зӕгъӕм, базыдтай, тагъд цыдӕр ӕрдзон бӕллӕх кӕй уыдзӕн. Адӕм фесӕфдзысты, ӕдас бынатмӕ куы нӕ алидзой, уӕд. Дӕ сыхагмӕ бацыдтӕ, цӕмӕй йӕ бафӕдзӕхсай, фӕлӕ дӕ дзурын дӕр не суагъта, нӕ мӕ ’вдӕлы, зӕгъгӕ. Уыцы ныхӕсты тыххӕй йӕ, кӕй зӕгъын ӕй хъӕуы, нӕ ныууадздзынӕ, фӕлӕ архайдзынӕ, цӕмӕй йын баххуыс кӕнай. Нӕ участокты дӕр бирӕтӕ сӕхи афтӕ фӕдарынц, уымӕн ӕмӕ не ’мбарынц, цы хабар хъусын кӕнӕм, уый цард кӕй ирвӕзын кӕны. Куы сӕм бацӕуӕм, уӕд сӕ, чи зоны, ма ӕвдӕла (Матф. 24:37–39). Кӕнӕ та нӕм ӕвзӕр цӕстӕй кӕсынц, мах тыххӕй мӕнг ныхӕстӕ кӕй фехъуыстой, уый тыххӕй (Матф. 11:18, 19). Йе та афтӕ хъуыды кӕнынц, ӕмӕ ӕвзӕр дыргътӕ чи хӕссы, уыцы динтӕй ницӕмӕй хицӕн кӕнӕм (2 Пет. 2:1, 2). Адӕймаг нӕм фыццаг хатт куы нӕ байхъуса, уӕд ӕй уый тыххӕй хъуамӕ ма ныууадзӕм.