Уацамынды нӕ ныхас куыд райдайӕм
«Кӕм ис царды ахсджиагдӕр фарстатӕн дзуапп ссарӕн?»
Адӕймагмӕ буклет афтӕ ратт, йӕ ном ӕм хорз куыд зына, ӕмӕ йын зӕгъ: «Дӕ бон хорз. Ӕгас зӕххыл дӕр парахат кӕнынц ацы ахсджиаг хабар. Ацы буклет дӕттӕм дӕуӕн».
Хӕдзары кӕй нӕ баййӕфтай, уыдонӕн буклет куы уадзай, уӕд ӕй ахӕм ран сӕвӕр, иннӕтӕ йӕ куыд нӕ феной ӕмӕ гӕнӕн куы уа, уӕд-иу ӕй ма бадыдагъ кӕн.
Адӕймаджы фылдӕр базонын куы фӕнда кӕнӕ йӕм ныхас кӕнын куы цӕуа, уӕд ӕй бафӕрс, цы хъуыды кӕны, буклеты фыццаг фарсыл цы фарста ӕмӕ йӕм цы дзуаппытӕ ис, уыдоны тыххӕй. Буклет бакӕн ӕмӕ йын равдис Иоанны 17:17. Бамбарын ын кӕн, буклеты цы сайты кой ис, уый йын кӕй баххуыс кӕндзӕн, цӕмӕй йӕ фарстатӕн Библийы дзуаппытӕ ссара. Кӕд ӕй ӕвдӕла, уӕд ын равдис видеоролик «Библи ахуыр кӕнын цӕмӕн хъӕуы?». Кӕронӕй йын буклеты фӕстаг фарсыл фарстатӕ равдис, ӕмӕ йӕ бафӕрс, дзуапп базонын ӕй тынгдӕр кӕцыйӕн фӕнды. Зӕгъ ын, кӕй та йӕм бацӕудзынӕ ӕмӕ йын нӕ сайты уыцы фарстайӕн Библийы дзуапп кӕй равдисдзынӕ. Куы йӕ бабӕрӕг кӕнай, уӕд нӕ сайтмӕ бацу ӕмӕ равзар ПУБЛИКАЦИТӔ > ЧИНГУЫТӔ ӔМӔ БРОШЮРӔТӔ.
Регионалон конгресмӕ дӕр хуынды гӕххӕттытӕ куы уарай, уӕд ӕй дӕ бон у адӕймагӕн буклетимӕ раттын ӕмӕ зӕгъын: «Хонӕм ма дӕ иу ахсджиаг хабармӕ».
Брошюрӕ «Хуыцау дыл хъуыды кӕны?»
Гӕнӕн куы уа, уӕд сабат ӕмӕ хуыцаубоны дӕттӕн уыдзӕн брошюрӕ «Хуыцау дыл хъуыды кӕны?». «Фӕнды мӕ, цӕмӕй дын ацы брошюрӕ раттон. Дзуапп дӕтты ахӕм фарстайӕн „Хуыцау дыл хъуыды кӕны?“».