Алкӕддӕр дзы пайда кӕн
1. Трактат «Рӕстдзинад базонын дӕ фӕнды?» мыхуыры цӕмӕн рацыд?
1 Трактат «Рӕстдзинад базонын дӕ фӕнды?» мыхуыры уый тыххӕй рацыд, цӕмӕй нын ӕххуыс кӕна адӕмимӕ Библи ахуыр кӕнын райдайынӕн. Стыр ӕххуыс ма нын у рӕстдзинады мыггӕгтӕ алы рӕтты тауынӕн дӕр (Еккл. 11:6). Ацы трактаттӕй куыд ис пайда кӕнӕн, уый тыххӕй дӕлдӕр ис цалдӕр уынаффӕйы.
2. Трактаты фӕрцы куыд ис ныхас райдайӕн?
2 Нӕ ныхас цӕмӕй райдайӕм. Хӕдзарӕй дӕм чи ракӕса, уымӕ трактат ратт ӕмӕ, фыццаг фарсыл цы ӕхсӕз фарстайы ис, уыдонмӕ бацамон ӕмӕ йӕ бафӕрс: «Ацы фарстатӕй дӕ тынгдӕр кӕцыйӕн фӕнды дзуапп базонын?» Дзуапп дын куы ратта, уӕд-иу трактатӕй равзар, йӕ фарстайы фӕдыл Библи цы дзуры, уый ӕмӕ иу стих бакӕс. Фӕстаг фарсыл цы фыст ис, уый бакӕс кӕнӕ йӕ цыбыртӕй радзур, ӕмӕ йын ратт, Библи кӕй фӕрцы фӕахуыр кӕнӕм, уыцы чиныг. Чиныг куы нӕ райса, уӕддӕр ӕм трактат баззайдзӕн, ӕмӕ йын уый баххуыс кӕндзӕн, цӕмӕй рӕстдзинад йӕ зӕрдӕйы уидӕгтӕ ауадза (Матф. 13:23).
3. Адӕймаг ӕнӕвдӕлон куы уа, уӕд цы ис саразӕн?
3 Ӕнӕвдӕлон куы уа. Дӕ бон у зӕгъын: «Уынын ӕй, кӕй дӕ не ’вдӕлы, ӕмӕ мӕ уый тыххӕй фӕнды мӕнӕ ацы трактат ныууадзын. Ацы трактаты ис, арӕх кӕуыл фӕхъуыды кӕнӕм, ахӕм ӕхсӕз фарстайы ӕмӕ дзы алкӕмӕндӕр Библи дӕтты дзуапп. Иннӕ хатт мӕ фӕнды дӕ хъуыды базонын».
4. Уынджы хъусынгӕнгӕйӕ нӕ бон трактатӕй куыд у пайда кӕнын?
4 Уынджы хъусынгӕнгӕйӕ. Дӕ бон у зӕгъын: «Салам. Искуы ацы фарстатӕй искӕцыйыл хъуыды кодтай? [Бауадз ӕй дзуапп раттын.] Ацы трактаты ссарӕн ис, Библи сын цы дзуапп дӕтты, уый». Адӕймаг куы нӕ тагъд кӕна, уӕд дӕ бон у йемӕ трактатӕй искӕцы фарстайыл аныхас кӕнын кӕнӕ ма йын дӕ бон у раттын, Библи кӕй фӕрцы фӕахуыр кӕнӕм, уыцы чиныг.
5. Хӕдзары куы ничи уа, уӕд цы кӕнгӕ вӕййы?
5 Хӕдзары куы ничи уа. Иуӕй-иу хъусынгӕнджытӕ литературӕ ныууадзынц, хӕдзары куы ничи вӕййы, уӕд. Кӕд уе ’мбырды хъусынгӕнджытӕ дӕр афтӕ фӕкӕнынц, уӕд хорз нӕ уаид дуары бавӕрын трактат «Рӕстдзинад»? Иннӕ хатт та уыцы хӕдзармӕ бацу ӕмӕ адӕймагӕн зӕгъ: «Ай размӕ дӕ хӕдзары не ’рбаййӕфтам, ӕмӕ дын трактат ныууагътам. Ацы фарстатӕй дӕ тынгдӕр кӕцыйӕн фӕнды дзуапп базонын?»
6. Трактат «Рӕстдзинад» ӕнцон парахат кӕнӕн цӕмӕн у?
6 Трактат «Рӕстдзинад» фыст у ӕнцонӕмбарӕн ӕвзагыл. Алы диныл ӕмӕ ӕгъдауыл хӕст адӕмӕн уыдзӕн пайда. Суанг ӕй сывӕллӕттӕн дӕр ӕмӕ ног хъусынгӕнджытӕн дӕр сӕ бон у ӕнцонтӕй парахат кӕнын. Алы хатт дӕр дзы фӕпайда кӕныс?