20 октябрӕй 16 ноябрмӕ парахат кӕндзыстӕм ног трактат!
1 Къуырисӕры 20 октябры ӕнӕхъӕн дунейы райдайдзыстӕм парахат кӕнын ног трактат, хуыйны «Рӕстдзинад базонын дӕ фӕнды?». Уыцы зиу уыдзӕн цыппар къуырийы дӕргъы. Ныфс нӕ ис, уый фӕрцы фылдӕр адӕмы кӕй бафӕнддзӕн базонын, Хуыцауы Ныхасы цы фыст ис, уый (Иоан. 17:17).
2 Ацы трактаты ис Библийӕ цыбыр дзуаппытӕ ӕхсӕз ахсджиаг фарстайӕн: «Хуыцау ныл ӕцӕгдӕр тыхсы?», «Хӕстытӕ ӕмӕ хъизӕмӕрттӕн искуы кӕрон уыдзӕн?», «Адӕймагӕн ӕнӕмӕлгӕ уд ис?», «Чи амард, уыдон ма цӕрдзысты?», «Хуыцаумӕ куыд хъӕуы кувын ӕмӕ мын, цымӕ, мӕ куывдтытӕ хъусы?», «Амондджын цӕй фӕрцы уыдзынӕн?». Ацы фарстатӕн чырыстон аргъуанты, зӕрдӕ кӕмӕй барухс уа, ахӕм дзуапп никуы фӕдӕттынц. Чырыстон чи нӕу, уыдонӕй дӕр бирӕты фӕнды ацы фарстатӕн дзуапп базонын, фӕлӕ йӕ нӕ зонынц, Библи сӕ кӕй ӕмбарын кӕны. Уымӕ гӕсгӕ ацы трактат бирӕ адӕмы зӕрдӕмӕ фӕцӕудзӕн.
3 Бӕстон хъусын кӕнӕм. Бацархайӕм, цӕмӕй, гӕнӕн ӕмӕ амалӕй, не ’мбырды участокты алы хӕдзары дӕр трактат ныууадзӕм. Кӕд уын бирӕ участоктӕ ис, уӕд, чи зоны, хистӕр нӕлгоймӕгтӕ уынаффӕ рахӕссой, цӕмӕй-иу, хӕдзары чи нӕ разына, уыдонӕн трактаттӕ ныууадзӕм, фыццаг бацыды рӕстӕг дӕр. Ма дӕ ферох уӕд трактаттӕ раттын дӕ сыхӕгтӕн, дӕ хӕстӕджытӕн, де ’мкусджытӕн, де ’мкъласӕгтӕн ӕмӕ, арӕх кӕимӕ фӕныхас кӕныс, уыдонӕн дӕр. Чи зоны, дӕ бон суа дӕ хъуыддӕгтӕ афтӕ спълан кӕнын, цӕмӕй октябрь кӕнӕ ноябры ӕххуысгӕнӕг пионерӕй балӕггад кӕнай. Кӕд дӕ сывӕллон кӕнӕ, Библи кӕимӕ ахуыр кӕныс, уый рӕстдзинады ӕрфидар ӕмӕ цӕттӕ у ӕнӕаргъуыд хъусынгӕнӕгӕй лӕггад кӕнынмӕ, уӕд хистӕр нӕлгоймӕгтимӕ аныхас кӕн.
4 Нӕ ныхас цӕмӕй райдайӕм? Цӕмӕй ацы хабар фылдӕр адӕмӕн фехъусын кӕнӕм, уый тыххӕй хуыздӕр уыдзӕн, цыбыртӕй куы дзурӕм, уӕд. Нӕ бон у адӕймаджы бафӕрсын, трактаты ӕддаг цъарыл цы ӕхсӕз фарстайы ис, уыдонӕй искӕцыйӕ ӕмӕ йын стӕй равдисын, трактаты цы дзуапп ис, уый. Ахӕм мадзал хъусынгӕнджытӕй алкӕмӕн дӕр баххуыс кӕндзӕн уавӕртӕм гӕсгӕ ныхас кӕнынӕн. Исчи дӕм куы байхъуса, уӕд ӕй дӕхимӕ афысс ӕмӕ йӕ стӕй абӕрӕг кӕн. Улӕфгӕ бонты трактаттӕ дӕттӕн уыдзӕн журналтимӕ. Зиу 16 ноябры куы фӕуа, уӕд уацамынды дӕтдзыстӕм чиныг «Библи цы дзуры». Трактаттӕ нӕм куы баззайа, уӕд сӕ парахат кӕнӕн уыдзӕн иннӕ трактатты хуызӕн.
5 Адӕмимӕ-иу Библи ахуыр кӕнын райдайӕм. Ацы трактат уый тыххӕй рауагътой, цӕмӕй нын ӕнцондӕр уа адӕмимӕ Библи ахуыр кӕнын райдайын. Чи нӕм байхъуыста, уымӕ ногӕй куы бацӕуӕм, уӕд ӕй нӕ бон у бафӕрсын, Библийӕ цы хабӕрттӕ базыдта, уыдонӕй дзы ныфс кӕцы бауагъта? Йӕ хъус ын ӕрдар, трактаты фӕстаг фарсыл фыст кӕй ис, адӕмимӕ Библи кӕй фӕахуыр кӕнӕм ӕмӕ йын ратт чиныг «Библи цы дзуры?». Фадат куы уа, уӕд цыбыртӕй аныхас кӕн, чиныджы йӕ фарстайӕн дзуапп цы сӕры ис, уырдыгӕй иу-дыууӕ абзацыл.
6 Йегъовӕ агуры, «сыгъдӕг уды разамындмӕ гӕсгӕ ӕмӕ ӕцӕгдзинадмӕ гӕсгӕ» йын лӕггад кӕнын кӕй фӕнды, ахӕм адӕмы (Иоан. 4:23). Цӕй уӕдӕ, не ’ппӕт дӕр зӕрдиагӕй бакусӕм ацы зиуы, цӕмӕй адӕмӕн баххуыс кӕнӕм рӕстдзинад базонынӕн!