«Ног миназ. Цы нӕм ӕнхъӕлмӕ кӕсы фидӕны?»
1 Ацы фарстыл хъуыды кӕнынц адӕм ӕгас зӕххыл. Кӕд ӕнусты дӕргъы адӕмӕн бирӕ цыдӕртӕ бантыст, уӕддӕр адӕмы ныфс нал ис, уымӕн ӕмӕ сӕ миназты дӕргъы цы зындзинӕдтӕ тыхсын кодтой, уыдон ма ныр дӕр сты (Иов 14:1; Пс. 89:10). Уӕдӕ адӕмӕн сӕ бон кӕм у удӕнцой ссарын?
2 Октябры ӕмӕ нын ноябры уыдзӕн хорз фадат, цӕмӕй нӕ сыхӕгтӕн ацы фарстӕн дзуапп радтӕм. Куыд? Трактат «Паддзахады уацхъуыд» № 36 парахатгӕнгӕйӕ. Уый хуыйны «Ног миназ. Цы нӕм ӕнхъӕлмӕ кӕсы фидӕны?». Октябры фыццаг ӕмбисы парахат кӕндзыстӕм журналтӕ «Хъахъхъӕнӕг мӕсыг» ӕмӕ «Райхъал ут!». Уый фӕстӕ къуырисӕрӕй, 16 октябрӕй, майрӕмбонмӕ 17 ноябры онг тынг зӕрдиагӕй парахат кӕндзыстӕм трактат «Паддзахады уацхъуыд» № 36. Уыцы кампанийы рӕстӕджы трактат «Паддзахады уацхъуыд» № 36 сӕйраджыдӕр парахат кӕндзыстӕм кусгӕ бонты. Улӕфты бонты та йӕ дӕтдзыстӕм ног журналтимӕ.
3 Ӕппӕт тыхтӕй архайдзынӕ? Кӕй зӕгъын ӕй хъӕуы, фыццаджыдӕр уыцы кампанийы хистӕр нӕлгоймӕгтӕ, службӕйон ӕххуысгӕнджытӕ ӕмӕ пионертӕ ӕвдисдзысты хорз дӕнцӕг, уымӕн ӕмӕ уыдон фыдӕбон кӕнынц раззаг рӕнхъыты. Хъусынгӕнджытӕй бирӕтӕ сӕ хъуыддӕгтӕ афтӕ аразынц, цӕмӕй иу кӕнӕ дыууӕ мӕйы балӕггад кӕной ӕххуысгӕнӕг пионертӕй, трактат куы парахат кӕнӕм, уӕд. Иннӕтӕ та пълан кӕнынц, ӕнӕуи цал сахаты фӕхъусын кӕнынц, уымӕй фылдӕр рӕстӕг хъусын кӕнын.
4 Чиныгахуыркӕнынады разамонджытӕ сӕ къордты уӕнгтӕй алкӕйдӕр куы разӕнгард кӕной трактат «Паддзахады уацхъуыд» № 36 ӕппӕт тыхтӕй парахат кӕнынмӕ, уӕд уый уыдзӕн стыр ӕххуыс. Чи зоны ӕмбырды ис, ӕппынӕдзух чи нал хъусын кӕны, ахӕм хъусынгӕнджытӕ. Хистӕр нӕлгоймӕгтӕ сӕм хъуамӕ бацӕуой ӕмӕ базоной, сӕ бон сын цӕмӕй у баххуыс кӕнын, уый. Ис афтӕ саразӕн, цӕмӕй уыцы мӕйты семӕ фӕлтӕрдджын хъусынгӕнджытӕ уацамынды цӕуой. Трактат «Паддзахады уацхъуыд» № 36 парахат кӕнын зын нӕу, уымӕ гӕсгӕ уый хорз фадат у, цӕмӕй уыцы хъусынгӕнджытӕ ногӕй ӕппӕт тыхтӕй лӕггад кӕнын райдайой.
5 Уый ма хорз фадат у, Библи чи ахуыр кӕны ӕмӕ чиныг «Базонынад»-ы кӕронмӕ чи фӕхӕццӕ кӕны, уыдонӕн ӕнӕаргъуыд хъусынгӕнджытӕ суӕвынӕн ӕмӕ уацамынды хайад исынӕн. Суанг ма сывӕллӕттӕн дӕр сӕ бон у уыцы диссаджы хъуыддаджы хайад райсын.
6 Ныхас райдайӕн ис хуымӕтӕгӕй. Дӕ бон у зӕгъын:
◼ «Ӕз рӕстӕг рахицӕн кодтон, цӕмӕй баххуыс кӕнон ацы ахсджиаг хабар [зӕгъ, цавӕр горӕты кӕнӕ облӕсты] алы бинонтӕн дӕр фехъусын кӕнынӕн. Ацы экземпляр у дӕуӕн. Дӕ хорзӕхӕй, бакӕс ӕй». Хуыздӕр уаид, уацамынды цы сумкӕ фӕхӕссыс, уый трактат «Паддзахады уацхъуыд» № 36 парахатгӕнгӕйӕ демӕ куы нӕ райсис, уӕд.
7 Уацамындон фембӕлдтӕ хъӕуы хорз бацӕттӕ кӕнын. Хистӕр нӕлгоймӕгтӕ хъуамӕ уацамындон фембӕлдтӕ афтӕ спълан кӕной, цӕмӕй сӕм иууылдӕр цӕуой ӕмӕ сӕ фылдӕр пайда исой. Службӕйон цӕстдарӕг уӕлдайдӕр хъуамӕ йӕ хъус ӕрдара, цӕмӕй алкӕмӕдӕр уа участок куыд хӕдзарӕй-хӕдзармӕ, афтӕ ӕхсӕнадон бынӕтты дӕр ӕмӕ алкӕмӕндӕр йӕ бон суа хайад райсын. Гӕнӕн куы уа, уӕд уацамындон фембӕлдтӕ хъӕуы уадзын алы кусгӕ бон дӕр, улӕфты бонты ӕмӕ изӕрыгӕтты. Ис сӕ уадзӕн фӕссихор дӕр изӕрмӕ хӕстӕг, цӕмӕй скъоладзаутӕ, ивгӕ графикмӕ гӕсгӕ чи кусы, уыдон ӕмӕ иннӕтӕ дӕр хайад исой.
8 Цы кӕнын хъӕуы, хӕдзары куы ничи уа, уӕд. Нӕ нысан у гӕнӕн уӕвгӕйӕ фылдӕр хӕдзӕртты хицӕуттимӕ аныхас кӕнын. Хӕдзары куы никӕй баййафай, уӕд ӕй фӕнысан кӕн ӕмӕ ӕрбацу ӕндӕр афон. Кампанийы фӕстаг къуыримӕ уыцы хӕдзӕртты хицӕуттӕй куы никӕй баййафай, уӕд сын дӕ бон у трактат «Паддзахады уацхъуыд» № 36 ахӕм ран ныууадзын, цӕмӕй йӕ мачи райса. Фӕлӕ ӕмбырд хъӕуты куы хъусын кӕна ӕмӕ йын ахӕм территори куы уа, кампанийы рӕстӕджы аххӕссӕн кӕуыл нӕй, уӕд трактат «Паддзахады уацхъуыды» № 36 ис уадзӕн, фыццаг бацыдӕн хӕдзары кӕй нӕ баййӕфтам, уыдонӕн дӕр; уый тыххӕй хъуамӕ бынӕттон хистӕр нӕлгоймӕгтӕ ӕмбырдӕн зӕгъой.
9 Цӕй уӕдӕ, хъуыддагмӕ бавналӕм! Ӕмбырдтӕ хъуамӕ бацархайой сӕ территорийы трактат апарахат кӕныныл 17 ноябрмӕ, ома кампанийы фӕудмӕ. Кӕд уӕ территори стыр у, уӕд иуӕй-иу хъусынгӕнджытӕн сӕ бон у иунӕджытӕй хъусын кӕнын, кӕд ахӕм фадат ис ӕмӕ уый ӕдас у, уӕд. Афтӕмӕй ӕнцондӕр уыдзӕн фылдӕр сыгъдӕгзӕрдӕ адӕмы ссарын. Уыцы уацхъуыд кӕй бацымыдис кӕна, уыдоны дӕхимӕ ӕнӕмӕнг ныффысс.
10 Хистӕр нӕлгоймӕгтӕ хъуамӕ рагацау базоной, кампанийы рӕстӕджы цы журналтӕ парахат кӕндзыстӕм, уыдонӕй цас бахъӕудзӕн, уый, ӕмӕ сӕ заказ скӕной. Трактаттӕ «Паддзахады уацхъуыд» № 36 заказ кӕнын нӕ хъӕуы, уымӕн ӕмӕ алы ӕмбырдмӕ дӕр фаг ӕрцӕудзӕн ӕрвыст. Специалон, иумӕйаг ӕмӕ ӕххуысгӕнӕг пионертӕй алчидӕр парахат кӕнынӕн райсдзӕн 250 экземпляры, хъусынгӕнджытӕ та — 50 экземпляры алчидӕр. Уӕдӕ цӕттӕ дӕ ӕмӕ тырныс уыцы ахсджиаг хъуыддаджы хайад райсынмӕ? Цӕй стыр кад у, Хуыцау нын зӕрдӕ цы фидӕнӕй бавӕрдта ӕмӕ тагъд кӕй фендзыстӕм, уый тыххӕй адӕмӕн хъусын кӕнын!