16 октябрӕй 12 ноябрмӕ ӕппӕтдунеон зиу!
1 «Тагъд мӕнг дин фесӕфдзӕн!» Афтӕ хуыйны, иннӕ мӕй ӕгас дунейы дӕр кӕй парахат кӕндзыстӕм, уыцы трактат («Паддзахады хабар №37»). Октябры райдианы парахат кӕндзыстӕм журналтӕ «Хъахъхъӕнӕн мӕсыг» ӕмӕ «Райхъал ут!». 16 октябры къуырисӕрӕй 12 ноябры хуыцаубонмӕ та зӕрдиагӕй парахат кӕндзыстӕм трактат «Паддзахады хабар №37». Зиуы рӕстӕг сабат ӕмӕ хуыцаубоны йӕ дӕтдзыстӕм уыцы мӕйы журналтимӕ дӕр.
2 Кӕй бон у трактат парахат кӕнын. Хорз хабар хъусынгӕнджытӕй кӕй нӕ фӕнддзӕн ацы ахсджиаг куысты баххуыс кӕнын. Кӕмӕндӕрты сӕ бон уыдзӕн ӕххуысгӕнӕг пионертӕй дӕр лӕггад кӕнын. Дӕ сывӕллӕттӕй кӕнӕ Библи кӕимӕ ахуыр кӕныс, уыдонӕй исчи хъусын кӕнынмӕ цӕттӕ у? Уӕд иумӕ бацӕут хистӕр нӕлгоймӕгтӕм ӕмӕ аныхас кӕнут, сӕ бон у ӕнӕаргъуыд хъусынгӕнджытӕй лӕггад кӕнын ӕви нӕ. Хистӕр нӕлгоймӕгтӕ хъуамӕ рӕстӕг ссарой, рагӕй чи нӕ хъусын кӕны, ахӕм хотӕ ӕмӕ ’фсымӕртимӕ аныхас кӕнынӕн, цӕмӕй сӕ сразӕнгард кӕной ацы зиуы архайынмӕ. Чи зоны сӕ бон суа фӕлтӕрдджын хъусынгӕнджытимӕ уацамынды цӕуын.
3 Трактат «Паддзахады хабар №37» ӕппӕт ӕмбырдтӕм дӕр уыйбӕрц арвитдзысты, алы хъусынгӕнӕгмӕ ӕмӕ пионермӕ дӕр дзы ӕппынкъаддӕр 50 трактаты куыд ӕрхауа. Библи чи ахуыр кӕны, фӕлӕ нырма хъусынгӕнӕг чи нӕу, уыдонӕн дӕр сӕ бон уыдзӕн фӕйнӕ 5 трактаты райсын, цӕмӕй дзы сӕ бинонтӕн ӕмӕ се ’мбӕлттӕн радтой. Хъусынгӕнджытӕ хъуамӕ фыссой, цал трактаты радтой, уый. Стӕй сӕ октябры ӕмӕ ноябры сӕ уацамынды хыгъды гӕххӕттыл иннӕ фарс ныффысдзысты. Секретарь хъуамӕ сараза хыгъд, ӕмбырд цас трактаттӕ байуӕрста, уымӕн, ӕмӕ-иу ӕй алы мӕйы кӕрон дӕр филиалмӕ арвита. Зиуы фӕстӕ ма цы трактаттӕ баззайа, уыдон уый фӕстӕ дӕр уыдзӕн дӕттӕн.
4 Ныхас райдайӕн куыд ис. Дӕ разныхас цыбыр куы уа, уӕд фылдӕр адӕмӕн байуардзынӕ ацы трактат. Дӕ бон у зӕгъын: «Ӕгас дунейы дӕр хъуыстгонд цӕуы, алы адӕймагӕн дӕр чи фӕахъаз уыдзӕн, ахӕм ахсджиаг хабар. Ацы трактат дӕуӕн. Фидын ын нӕ хъӕуы. Дӕ хорзӕхӕй, бакӕс ӕй». Ӕвӕццӕгӕн, хуыздӕр уыдзӕн, хӕдзарӕй-хӕдзармӕ хъусын кӕнгӕйӕ ӕнӕ хызынӕй куы цӕуай, уӕд. Дӕхимӕ-иу фӕнысан кӕн, фылдӕр базонын кӕй фӕнды, уыцы адӕмы адристӕ.
5 Уӕ территорийы йӕ куыд парахат кӕнӕн ис. Ног трактат уынджы парахат кӕныны бӕсты хуыздӕр уаид хӕдзарӕй-хӕдзармӕ ӕмӕ йӕ куыстуӕтты дӕттын. Цы хӕдзарӕй уӕм нӕ ракастысты, уый-иу уӕхимӕ фӕнысан кӕнут ӕмӕ-иу ӕм ӕндӕр рӕстӕг кӕнӕ ӕндӕр бон ногӕй бацӕут. Фӕлӕ 6 ноябры онг хӕдзары кӕй нӕ баййафат, уыдонӕн-иу зынгӕ ран ныууадзут трактат. Кӕд ӕмбырдӕн йӕ территори стыр у ӕмӕ йыл 16 октябрӕй 12 ноябрмӕ нӕ аххӕсдзӕн, уӕд хистӕр нӕлгоймӕгтӕ уынаффӕ рахӕсдзысты, цӕмӕй зиуы фыццаг бонӕй дӕр трактаттӕ уадзой, кӕцӕй сӕм нӕ ракастысты, уыцы хӕдзӕртты.
6 «Стыр Вавилоны» сӕфт уыдзӕн тынг тагъд. Фӕлӕ цалынмӕ нӕ фесӕфт, уӕдмӕ адӕм хъуамӕ уырдыгӕй рацӕуой (Рарг. 14:8; 18:8). Уӕдӕ рагацау дӕ хъуыддӕгтӕ афтӕ спълан кӕн, цӕмӕй, ӕгас дунейы дӕр цы хабар хъуыстгонд цӕудзӕн, уый фылдӕр адӕмӕн фехъусын кӕнай. Алчидӕр хъуамӕ базона: мӕнг динӕн йе сӕфт ӕрхӕццӕ!