«Паддзахады уацхъуыд» № 36 кӕй бацымыдис кодта, уыдонӕн дарддӕр дӕр ӕххуыс кӕнӕм
1 Трактат «Паддзахады уацхъуыд»-ӕй № 36 дӕ цас хъуыд апарахат кӕнын, уыйбӕрц апарахат кодтай? Уым алкӕмӕн дӕр ахъуыды кӕнынӕн афоныл лӕвӕрд цӕуы фарст: «Ног миназ. Цы нӕм ӕнхъӕлмӕ кӕсы фидӕны?» 2000 аз куы ӕрхӕстӕг, уӕд алчидӕр цӕмӕдӕр ӕнхъӕлмӕ каст ног миназӕй. Трактат «Паддзахады уацхъуыд» № 36 дзуры уыдонӕй иуӕй-иутыл ӕмӕ нын нӕ зӕрдыл лӕууын кӕны, дунейы уавӕртӕй хорзӕй кӕй ницӕмӕ ис ӕнхъӕлмӕ кӕсӕн. Адӕмӕн сӕ фылдӕр цы сабырдзинад ӕмӕ ӕдасдзинадмӕ тырнынц, уыдон ӕрхӕсдзӕн ӕрмӕстдӕр Йесо Чырыстийы Миназон хицауиуӕгад. Уыцы Паддзахад ӕцӕгдӕр кӕй уыдзӕн, ууыл кӕй ӕууӕндӕм, уый нӕ сразӕнгард кодта, гӕнӕн уӕвгӕйӕ, алкӕмӕндӕр трактат «Паддзахады уацхъуыд» № 36 радтынмӕ.
2 Трактат «Паддзахады уацхъуыд» парахатгӕнгӕйӕ цавӕр фӕстиуджытӕ уыд. Трактат «Паддзахады уацхъуыд» ивгъуыд азты куы парахат кодтам, уӕд нын уый тынг ахъаз уыд нӕ куыстӕн. Трактат «Паддзахады уацхъуыд»-ы № 35 тыххӕй Канадӕйы филиалӕй ныффыстой: «Ацы сӕрмагонд кампанийы зӕрдиагӕй архайдтой хъусынгӕнджытӕ ӕмӕ пионертӕ, ӕмӕ уый фӕрцы ӕрцыд бирӕ ӕхсызгон цаутӕ». Кӕй зӕгъын ӕй хъӕуы, сымах дӕр афтӕ зӕрдиагӕй парахат кӕнут трактат «Паддзахады уацхъуыд» № 36.
3 Ацы трактат парахат кӕныны кампани хъуамӕ фӕуа 2000 азы 17 ноябры. Уе ’мбырдмӕ цы территори хауы, уый иууылдӕр фестут? Кӕд нӕ, уӕд уын, гӕнӕн ис, хистӕр нӕлгоймӕгтӕ зӕгъой, цӕмӕй кампани ноябры кӕронмӕ ахӕццӕ кӕнат.
4 Ныронг трактат «Паддзахады уацхъуыд» № 36 кӕм парахат кодтат, уым ӕм адӕмӕн цавӕр ахаст уыд? Чи зоны, цалдӕр адӕймаджы байдзаг кӕной купон ӕмӕ сзаказ кӕной брошюрӕ «Цы домы?» ӕмӕ/кӕнӕ ныффыссой, хӕдзары сӕ Библи ахуыр кӕнын кӕй фӕнды, уый тыххӕй. Фӕлӕ миназы фарстамӕ йӕ хъус чи ӕрдардта, уыдонӕн сӕ фылдӕр, гӕнӕн ис, сӕхӕдӕг мацы саразой, цалынмӕ сӕм Иегъовӕйы Ӕвдисӕнтӕй ногӕй исчи нӕ бацӕуа, уӕдмӕ. Уыцы хабар кӕй бацымыдис кодта, уыдонмӕ хъӕуы ногӕй бацӕуын. Уый хуыздӕр кӕд уыдзӕн саразын? Цас тагъддӕр уа, уыйас хуыздӕр.
5 Мӕнӕ цалдӕр цауы, трактат «Паддзахады уацхъуыд» № 35 кӕм ныууагъдӕуыд, уым дыккаг бацыдӕй чи ӕрцыд, уыдонӕй. Ирландийы иу пионер ныууагъта трактат рестораны ус-хицауӕн. Сылгоймагыл трактат тынг бандӕвта ӕмӕ хойӕн загъта, цӕмӕй ма йӕм ноджыдӕр ӕрбацыдаид. Хо сылгоймагмӕ ӕрбацыд дыууӕ боны фӕстӕ ӕмӕ йемӕ райдыдта Библи ахуыр кӕнын. Данийы трактат «Паддзахады уацхъуыд» ныууагътой иу ран, хӕдзары ничи уыд, афтӕмӕй. Цы сылгоймаг дзы цард, уый растдӕр уыцы бон арвыста купон филиалмӕ, уырдыгӕй та йӕ арвыстой бынӕттон ӕмбырдмӕ. Сылгоймагмӕ бацыд дыууӕ хойы, йемӕ райдыдтой Библи ахуыр кӕнын ӕмӕ сылгоймаг фыццаг хатт бацыд фембӕлдмӕ Паддзахады залмӕ. Диссаг уый у, ӕмӕ ӕппӕт уыдӕттӕ ӕрцыдысты иу къуырийы мидӕг!
6 Дыккаг хатт куы бацӕуай, уӕд цы зӕгъӕн ис. Трактат «Паддзахады уацхъуыд» кӕмӕн ныууадзӕм, уыдонмӕ дыккаг хатт бацӕуын тынг зын нӕ вӕййы, стӕй ма нын уый хӕссы ӕхцондзинад дӕр. Хорз уаид, демӕ куы хӕссис трактат «Паддзахады уацхъуыд»-ы № 36 экземпляр, гӕнӕн ис, хӕдзары хицауӕн йӕ экземпляр йемӕ ма уа. Дӕ ныхасы дӕ бон у спайда кӕнын дӕлдӕр лӕвӕрд уынаффӕтӕй.
7 Хӕдзары хицауӕн йӕ зӕрдыл ӕрлӕууын кӕн, чи дӕ, уый, ӕмӕ йын уый фӕстӕ зӕгъ:
◼ «Ӕз дын ныууагътон трактат „Ног миназ. Цы нӕм ӕнхъӕлмӕ кӕсы фидӕны?“ Ӕвӕццӕгӕн дын ӕхсызгон уыд, тагъд Йесо Чырыстийы Миназон хицауиуӕгад кӕй райдайдзӕн ӕмӕ зӕххыл дзӕнӕт кӕй сараздзӕн, уый базонын. [Равдис дзӕнӕты нывтӕ трактат «Паддзахады уацхъуыд»-ы № 36.] Фӕстаг фарсыл фыст ис, зӕгъгӕ, дӕ бон у сзаказ кӕнын брошюрӕ „Хуыцау махӕй цы домы?“». Равдис брошюрӕ, байгом ӕй кӕн 5-ӕм урокыл, бакӕс фыццаг фарст ӕмӕ фыццаг дыууӕ абзацы, стӕй хӕдзары хицауы бафӕрс, куыд сӕ бамбӕрста, уымӕй. Бакӕс иу кӕнӕ дыууӕ стихы ӕмӕ сыл ӕрныхас кӕн. Кӕд ма рӕстӕг уа, уӕд равзар иннӕ фарст ӕмӕ абзац дӕр, уый фӕстӕ адӕймагимӕ баныхас кӕн, цӕмӕй ма йӕм ноджыдӕр ӕрбацӕуай ӕмӕ уӕ ныхас адарддӕр кӕнат.
8 Ноябры ма брошюрӕ «Цы домы» ӕмӕ чиныг «Базонынад» кӕй парахат кӕндзыстӕм, уымӕ гӕсгӕ дӕ бон у зӕгъын:
◼ «Ӕрӕджы дӕм куы ӕрбацыдтӕн, уӕд дын ныууагътон трактат „Ног миназ. Цы нӕм ӕнхъӕлмӕ кӕсы фидӕны?“ Уым ис фыст, зӕгъгӕ, дӕ кӕд фӕнды, уӕд дӕ бон у хӕдзары Библи лӕвар ахуыр кӕнын. Ӕз ма дӕм ӕрбацыдтӕн, цӕмӕй дын равдисон, ахуыр кӕнынӕн цы ӕххуысчиныгӕй пайда кӕнӕм, уый. [Равдис брошюрӕ „Цы домы“, стӕй та ныв фӕстаг фарсыл; кӕнӕ та равдис чиныг «Базонынад» ӕмӕ йӕ байгом кӕн 188, 189-ӕм фӕрстыл.] Библийы цы Миназыл цӕуы дзырд, уыцы рӕстӕгмӕ зӕххыл арӕзт ӕрцӕудзысты, ацы нывы цы уавӕртӕ уынӕм, ахӕмтӕ. Цӕмӕй уыцы дзӕнӕты цӕрыны аккаг уӕм, уый тыххӕй нӕ хъӕуы Хуыцауы тыххӕй раст зонындзинӕдтӕ исын. Мӕн фӕнды цыбыртӕй равдисын, Библи куыд фӕахуыр кӕнӕм, уый».
9 Трактат «Паддзахады уацхъуыд» № 36 парахатгӕнгӕйӕ зӕрдиагдӕрӕй райдыдтам лӕггад кӕнын ӕмӕ уый адӕмӕн у стыр ӕвдисӕнад. Гӕнӕн ис, ӕмӕ нӕ территорийы бирӕты бацымыдис кодта хорз уацхъуыд. Дарддӕр дӕр уыцы адӕмӕн иумӕ куы ӕххуыс кӕнӕм, уӕд нын Иегъовӕ дӕр ӕххуыс кӕндзӕн ӕмӕ фысы хуызӕн адӕмы цингӕнгӕйӕ агурдзыстӕм (Мтф. 10:11; Ап. к. 13:48, 49, 52).