Трактаттӕй пайда кӕн ныхас райдайынӕн
1 Разы нӕ дӕ, адӕймагимӕ ӕцӕгады тыххӕй хорз аныхас кӕнынӕн сӕйраджыдӕр кӕй хъӕуы зонын ныхас кӕнын? Ӕппӕты зындӕр вӕййы, адӕймаджы чи бацымыдис кӕна ӕмӕ йӕ демӕ ныхас кӕнынмӕ чи сразӕнгард кӕна, ахӕм хъуыды зӕгъын. Уый куыд ис саразӕн?
2 Бирӕ хъусынгӕнджытӕ ӕрцыдысты ахӕм хатдзӕгмӕ, зӕгъгӕ, Библийыл бындуриуӕггӕнӕг трактаттӕ куы фӕпарахат кӕнынц, уӕд сын ныхас райдайынӕн баххуыс кӕнынц, хорз цы ныхӕстыл ахъуыды кӕнынц, уыдон. Трактатты сӕргӕндтӕ ӕмӕ хуызджын къамтӕ адӕймаджы бацымыдис кӕнынц. Трактаты бирӕ информаци кӕй нӕй, уымӕ гӕсгӕ йӕ адӕймаг ӕнӕзивӕгӕй бакӕсдзӕн. Фӕлӕ уыцы цыбыр ӕрмӕг гӕнӕн ис адӕймаджы бацымыдис кӕна ӕмӕ йын баххуыс кӕна Библи ахуыр кӕнынӕн.
3 Уый тыххӕй иу ӕфсымӕр афтӕ загъта: «Абон адӕм иуылдӕр тагъд кӕй кӕнынц, уымӕ гӕсгӕ кӕсынӕн бирӕ рӕстӕг нӕ арынц, фӕлӕ ахсджиаг хабар бамбарын кӕнынӕн трактатты ис фаг информаци, уыимӕ трактаттӕ афтӕ стыр не сты, цӕмӕй сӕм адӕймаг ма бакӕса ӕмӕ афтӕ ацӕуа. Ӕз мӕхӕдӕг бирӕ трактаттӕ бакастӕн ӕмӕ фӕстагмӕ ӕцӕгад базыдтон». Дызӕрдыг макуы кӕн, Хуыцауы Ныхас адӕмӕн ахӕм гыццыл трактатты уылты дӕр хорз уацхъуыд кӕй бамбарын кӕндзӕн, ууыл (Дзут. 4:12).
4 Цыппар ӕнцон къахдзӕфы. Бирӕтӕ ӕнтыстджын уыдысты, хуымӕтӕг къахдзӕфтӕ саразгӕйӕ. 1) Равдис адӕймагӕн цалдӕр трактаты ӕмӕ йӕ бафӕрс, кӕцы йӕ фӕнды бакӕсын. 2) Адӕймаг дзы искӕцы куы равзара, уӕд ӕм хорз фарст ратт, ома трактаты сӕйраг хъуыды чи ӕвдисы, ахӕм. 3) Фарстӕн дзуапп раттыны тыххӕй спайда кӕн ӕмбӕлон абзацӕй кӕнӕ трактаты амынд библион стихӕй. 4) Адӕймаг куы бацымыдис кӕна, уӕд дӕ ныхас адарддӕр кӕн трактатмӕ гӕсгӕ кӕнӕ рафӕлдах брошюрӕ «Цы домы»-йӕ кӕнӕ та чиныг «Базонынад»-ӕй ахӕм сӕр, цыран фылдӕр информаци ис. Афтӕмӕй, чи зоны, Библи ахуыр кӕнын дӕр райдайат. Дӕлдӕр лӕвӕрд уынаффӕтӕ дын баххуыс кӕндзысты, цыппар трактатӕй пайдагӕнгӕйӕ куыд ис ныхас райдайӕн, уымӕн.
5 Трактаты сӕргондӕй «Чи хицауиуӕг кӕны ӕцӕгӕй дунейыл?» спайдагӕнӕн ис куыд фарста.
◼ Кӕимӕ ныхас кӕнай, уый дын куы зӕгъа: «Хуыцау» кӕнӕ «Нӕ йӕ зонын», уӕд бакӕс 2-аг фарсыл фыццаг дыууӕ хъуыдыйады ӕмӕ 3-аг фарсыл фыццаг абзац. Равзар 1 Иоанны 5:19-ӕм стих ӕмӕ Раргомады 12:9-ӕм стих. Сайтан Хӕйрӕг кӕй ис, ууыл адӕймаг куы дызӕрдыг кӕна кӕнӕ дуне йе ’ндӕвдады бын кӕй ис, ууыл куы разы кӕна (кӕнӕ куы нӕ разы кӕна), уӕд дӕ ныхас адарддӕр кӕнынӕн спайда кӕн сӕргондӕй «Базонӕн дӕгъӕл — дунеон уавӕртӕй». Адӕймаг куы бацымыдис кӕна, уӕд ын, трактаты 3-аг ӕмӕ 4-ӕм фӕрстыл лӕвӕрд хъуыдытӕй спайдагӕнгӕйӕ, бамбарын кӕн, Хӕйрӕг куыд фӕзынд, уый.
6 Трактат «Цавӕр ныфс ис уарзон амӕлджытӕн?» уайтагъддӕр бацымыдис кӕндзӕн адӕмы. Дӕ бон у бафӕрсын:
◼ «Куыд хъуыды кӕныс, искуы ма нӕ уарзон амӕлджыты ногӕй фендзыстӕм?» Адӕймаг дзуапп куы ратта, уӕд ӕркӕс трактаты 4-ӕм фарсыл дыккаг абзацы хъуыдытӕм ӕмӕ бакӕс Иоанны 5:28, 29. Уый фӕстӕ зӕгъ, трактат ӕй фыццаг сӕргонды кӕй ӕмбарын кӕны. Зӕгъ ын, цӕмӕй йыл иумӕ аныхас кӕнат.
7 Трактат «Цин кӕн бинонты цардыл» пайда у алыхуызон бинонтӕн. Куы йӕ дӕттай, уӕд дӕ бон у зӕгъын:
◼ «Ӕвӕццӕгӕн сразы уыдзынӕ, абон бинонтӕ тынг зын уавӕры кӕй сты. Куыд хъуыды кӕныс, цы баххуыс кӕндзӕн бинонтӕн сӕ ахастытӕ фӕхуыздӕр кӕнынӕн?» Адӕймаг йӕ хъуыды куы зӕгъа, уӕд ын йӕ хъус ӕрдарын кӕн 6-ӕм фарсыл фыццаг абзацы лӕвӕрд хъуыдытӕм. Трактаты 4-ӕм ӕмӕ 5-ӕм фӕрстыл амынд стихтӕй иу равзар ӕмӕ йын йӕ нысаниуӕг бамбарын кӕн. Уый фӕстӕ йын зӕгъ йемӕ дӕ кӕй фӕнды райдайын Библи хӕдзары лӕвар ахуыр кӕнын.
8 Трактат «Цӕмӕн ис ӕууӕндӕн Библийыл?» раттынӕн спайдагӕнӕн ис ахӕм ныхӕстӕй:
◼ «Адӕмӕн сӕ фылдӕр фехъуыстой Каин ӕмӕ Авелы тыххӕй, уый фыст у Библийы фыццаг чиныджы. Уӕвынады чиныджы ма дзырдӕуы Каины усы тыххӕй дӕр. Никуы дӕ бацымыдис кодта, йӕ ус кӕцӕй фӕзынд?» Дзуапп раттынӕн спайда кӕн трактаты 2-аг фарсы фӕстаг абзацӕй. Бамбарын ын кӕн, трактаты ма кӕй дзырдӕуы Библийы цӕстангасыл нӕ фидӕны тыххӕй. Дӕ ныхас райдай 5-ӕм фарсы цыппӕрӕм абзацӕй ӕмӕ спайда кӕн амынд стихтӕй.
9 Рӕстӕг куыд равдыста, афтӕмӕй Библийыл бындуриуӕггӕнӕг трактаттӕ тынг ӕххуыс кӕнынц хорз уацхъуыд хъусын кӕнынӕн. Ӕнцон хӕссӕн кӕй сты, уымӕ гӕсгӕ сӕ дӕ бон у ӕнтыстджынӕй пайда кӕнын хӕдзарӕй-хӕдзармӕ куы хъусын кӕнай кӕнӕ уацамынд куы нӕ спълан кӕнай, афтӕмӕй искӕимӕ дзурын куы райдайай, уӕд. Трактаттӕн нӕ лӕггаддзинады ис ахсджиаг бынат. Демӕ хӕсс алыхуызон трактаттӕ ӕмӕ сӕ арӕхдӕр пайда кӕн искӕимӕ ныхас райдайынӕн (Кол. 4:17).