Уый ахсджиаг цӕмӕн у. Фылдӕр базонын кӕй фӕнды, ахӕм адӕймагыл участокы куы сӕмбӕлӕм, уӕд нӕ фӕфӕнды, цӕмӕй-иу ӕм ногӕй ӕрбацӕуӕм ӕмӕ, цы мыггаг байтыдтам, ууыл-иу дон ныккӕнӕм (1 Кор. 3:6). Уый тыххӕй та арӕх фӕхъӕуы адӕймагимӕ баныхас кӕнын, иннӕ хатт ӕм кӕд ӕрбацӕудзыстӕм, ууыл. Уымӕй уӕлдай ма хорз уаид, цы фарстайыл ныхас кӕндзыстӕм, уый кой йын куы скӕниккам. Уӕд нӕм адӕймаг ӕнхъӕлмӕ кӕсдзӕн ӕмӕ йын цы брошюрӕ радтам, уым кӕд уыцы фарстайӕн дзуапп ис, уӕд ӕй, чи зоны, бакӕса. Афтӕ куы архайӕм, уӕд нын хорз фадат уыдзӕн иннӕ хатт ӕрбацӕуынӕн, уымӕн ӕмӕ адӕймаг зондзӕн, цӕуыл ныхас кӕндзыстӕм, уый. Адӕймагмӕ иннӕ хатт куы ’рбацӕуӕм, уӕд ын нӕ бон у йӕ зӕрдыл ӕрлӕууын кӕнын, уый размӕ йӕм цы фарста радтам, уый ӕмӕ йыл аныхас кӕнын.