Архайӕм арӕхстджындӕрӕй хъусын кӕныныл. Адӕймагмӕ ногӕй куы ’рбацӕуай

УЫЙ АХСДЖИАГ ЦӔМӔН У. Хуыцауы Паддзахады хабар кӕй бацымыдис кӕны, уыдонӕй бирӕты фӕфӕнды Хуыцауы тыххӕй рӕстдзинад базонын (Ис 55:6). Цӕмӕй сын уыцы хъуыддаджы баххуыс кӕнӕм, уый тыххӕй сӕм хъӕуы ногӕй ӕмӕ ногӕй цӕуын. Адӕм алыхуызон зындзинӕдтыл кӕй ӕмбӕлынц, уымӕ гӕсгӕ нӕ фӕхъӕуы ахъуыды кӕнын, алкӕй зӕрдӕмӕ дӕр фӕндаг ссарӕн куыд ис, ууыл. Ӕмӕ уыцы хъуыддаджы ноджы ӕнтыстджындӕр уыдзыстӕм, алы бацыды размӕ дӕр-иу нӕхи хорз куы бацӕттӕ кӕнӕм ӕмӕ-иу нӕ разы бӕлвырд нысан куы сӕвӕрӕм, уӕд. Фӕлӕ-иу нӕ рох ма уӕд, нӕ сӕйрагдӕр нысан кӕй у адӕймагимӕ Библи ахуыр кӕнын райдайын.

УЫЙ КУЫД ИС АРАЗӔН

• Адӕймаджы бабӕрӕг кӕныныл-иу фӕстӕ ма кӕн, зӕгъӕм, цалдӕр боны фӕстӕ-иу ӕм бацу (Мф 13:19).

• У уӕздан ӕмӕ хӕларзӕрдӕ. Ма-иу стыхс.

• Адӕймагӕн-иу зӕрдиагӕй салам ратт. Йӕ номӕй-иу ӕм дзур. Зӕгъ-иу ын, ногӕй та йӕм цӕмӕн ӕрбацыдтӕ, уый, зӕгъӕм, цӕмӕй йын йӕ фарстайӕн дзуапп раттай, уый фӕдыл ын статья ныууадзай, нӕ сайтимӕ йӕ базонгӕ кӕнай, видеоролик ын равдисай кӕнӕ, адӕмимӕ Библи куыд фӕахуыр кӕнӕм, уый йын равдисай. Кӕд ӕй ӕндӕр фарста тыхсын кӕна, уӕд-иу йемӕ ууыл аныхас кӕн (Фп 2:4).

• Йӕ зӕрдӕйы йын цы рӕстдзинады мыггаг байтыдтай, ууыл-иу дон кӕн – Библийӕ кӕнӕ-иу ын нӕ публикацитӕй, чи йын баххуыс кӕндзӕн, ахӕм хъуыдытӕ зӕгъ (1Кр 3:6). Архай, цӕмӕй-иу ын демӕ ныхас кӕнын ӕхсызгон уа.

• Зӕгъ-иу ын, иннӕ хатт цӕуыл аныхас кӕндзыстут, уый.