Чи нӕм байхъуыста, уыдонмӕ ногӕй кӕд бацӕуӕм?
1. Ахуыргӕнинӕгтӕ цӕттӕ кӕнынмӕ цы хауы?
1 Ахуыргӕнинӕгтӕ цӕттӕ кӕнынмӕ хауы, Йегъовӕйы Паддзахады тыххӕй фылдӕр базонын кӕй фӕнды, уыдонмӕ ногӕй бацӕуын (Матф. 28:19, 20). Адӕймагмӕ дыккаг хатт кӕд бацӕуӕм, уый аразгӕ у махӕн ӕмӕ уыцы адӕймагӕн рӕстӕг кӕд ис, уымӕй. Фӕлӕ хуыздӕр цӕмӕн уыдзӕн, чи нӕм байхъуыста, уыцы адӕймагмӕ тагъддӕр бацӕуын?
2, 3. Цӕмӕн хъӕуы адӕймагмӕ тагъддӕр бацӕуын?
2 Дыккаг бацыдыл фӕстиат кӕнын цӕуылнӕ хъӕуы? Хуыцауы «Паддзахады тыххӕй... хорз хабар» хъусын кӕныны хъуыддаг тагъд йӕ кӕронмӕ ӕрцӕудзӕн. Йӕ кӕронмӕ фӕхӕццӕ кӕны ацы дуне дӕр (Матф. 24:14; 1 Пет. 4:7). Уӕдӕ, цалынмӕ, рӕстдзинад базонын кӕй фӕнды, уыдонӕн ис «ирвӕзындзинады бон», уӕдмӕ сын хъуамӕ зынгзӕрдӕйӕ хъусын кӕнӕм. Уый тыххӕй та сӕм хъуамӕ ногӕй, гӕнӕн уӕвгӕйӕ, раздӕр бацӕуӕм (2 Кор. 6:1, 2; 2 Тим. 4:2).
3 Хӕйрӕг ӕппӕт тыхтӕй архайы, адӕмы зӕрдӕты кӕй байтыдтам, уыцы нӕмгуытӕ ахӕссыныл (Марчы 4:14, 15). Уыцы адӕмыл арӕх фӕхудынц сӕ бинонтӕ, се ’мкусджытӕ ӕмӕ иннӕтӕ. Ӕмӕ сӕм ӕвӕстиатӕй ногӕй куы бацӕуӕм, уӕд нӕ бон уыдзӕн нӕ ныхас адарддӕр кӕнын, цалынмӕ сӕ иннӕтӕ нӕ ныкъкъуылымпы кодтой, уӕдмӕ.
4. Фыццаг бацыды цы хъуамӕ саразай, цӕмӕй та адӕймагмӕ ногӕй бацӕуай?
4 Зӕгъ-иу, ногӕй кӕд бацӕудзынӕ, уый. Хорз уаид фыццаг бацыды рӕстӕг ног фембӕлды тыххӕй куы баныхас кӕнис. Зӕгъ-иу, иннӕ хатт цавӕр фарстайыл аныхас кӕндзыстут, уый. Ӕнӕмӕнгӕй дӕхимӕ афысс, фыццаг хатт адӕймагимӕ цӕуыл ныхас кодтай ӕмӕ иннӕ хатт цӕуыл аныхас кӕндзынӕ, стӕй та йӕм ногӕй кӕд хъуамӕ бацӕуай, уый. Кӕд дӕ бон суыдзӕн, уӕд ын зӕгъ, райсом та йӕ ногӕй кӕй абӕрӕг кӕндзынӕ, кӕнӕ та ӕндӕр бонмӕ баныхас кӕн. Фӕлӕ дыккаг бацыдыл фӕстиат ма кӕн. Адӕймагмӕ кӕд фыццаг хатт улӕфгӕ бон бацыдтӕ ӕмӕ йӕ къуырийы дӕргъы куыстӕй нӕ равдӕлдзӕн, уӕд, чи зоны, ногӕй фембӕлынмӕ сразы уа иннӕ улӕфгӕ бон. Кӕдмӕ баныхас кӕнай, уыцы рӕстӕг-иу ӕм бацу – дӕ ныхасӕн хицау у (Матф. 5:37).
5. Адӕммӕ ӕвӕстиатӕй ногӕй бацӕуыныл куы архайӕм, уӕд уымӕй куыд ӕххӕст кӕндзыстӕм ахуыргӕнинӕгтӕ цӕттӕ кӕныны фӕдзӕхст?
5 Рӕстдзинад базонын кӕй фӕнды, уыдонмӕ бирӕ цӕйдӕрты тыххӕй хъӕуы ногӕй тагъддӕр бацӕуын. Уӕдӕ-иу семӕ баныхас кӕнӕм, кӕд сӕм бацӕудзыстӕм, ууыл ӕмӕ-иу сӕ ӕвӕстиатӕй абӕрӕг кӕнӕм, уымӕн ӕмӕ «рӕстӕг бирӕ нал баззад» (1 Кор. 7:29). Хуыцауы Паддзахады тыххӕй фылдӕр базонын кӕй фӕнды, уыдонмӕ ногӕй цас тагъддӕр бацӕуӕм, уыйас нын фылдӕр бантысдзӕн.