Баххуыс кӕн, «ӕнусон цардмӕ раст ахаст кӕмӕн и», уыдонӕн
1. Иегъовӕ абон кӕй ӕмбырд кӕны?
1 Алы адӕймагӕн дӕр ис йӕхи зӕрдӕйы уаг, кӕнӕ зӕрдӕйы конд (Матф. 12:35). Зӕгъӕм, Библийы дзырдӕуы, «сӕ зӕрдӕты знагдзинад» кӕмӕн ис, ахӕм адӕмы тыххӕй (Пс. 54:22). Иуӕй-иутӕ та сты мӕстыгӕр (Ӕмб. 29:22). Фӕлӕ ма ис, «ӕнусон цардмӕ раст ахаст кӕмӕн и», ахӕмтӕ дӕр (Ап. к. 13:48, НФ). Абон Иегъовӕ растдӕр ахӕм адӕмы ӕмбырд кӕны (Агг. 2:7). Куыд сын у нӕ бон баххуыс кӕнын Иегъовӕйы фӕндагыл слӕууынӕн?
2. Цы хауы ахуыргӕнинӕгтӕ цӕттӕ кӕныны хӕслӕвӕрдмӕ?
2 Адӕммӕ ногӕй цӕуын ма рох кӕн. Адӕммӕ ногӕй бацӕуын цӕмӕн хъӕуы, уый куы нӕ ӕмбарӕм, уӕд нӕ бон нӕ бауыдзӕн нӕ хӕслӕвӕрӕд ӕххӕст кӕнын — ахуыргӕнинӕгтӕ цӕттӕ кӕнын (Матф. 28:19, 20). Алцыдӕр аразӕм, цӕмӕй адӕмы фӕнда Хуыцауы тыххӕй фылдӕр базонын? Ногӕй ма бацӕуӕм, литературӕ чи айста кӕнӕ хорз хабар кӕй бацымыдис кодта, уыдонӕй алкӕмӕ дӕр? Ӕппӕт тыхтӕй сын ӕххуыс кӕнӕм сӕ монон рӕзты? Ныхас адӕмы цардыл кӕй цӕуы, уымӕ гӕсгӕ, гыццылдӕр чи бацымыдис кодта, уыдонӕн хъуамӕ ӕххуыс кӕнӕм Хуыцауы тыххӕй фылдӕр базонынӕн.
3. Уацамынды искӕимӕ аныхас кӕныны фӕстӕ нӕ цы бакӕнын хъӕуы?
3 Цымыдисгӕнӕг адӕймагимӕ куы аныхас кӕнай, уӕд ын ныффысс йӕ ном ӕмӕ йӕ адрис. Фӕнысан кӕн, цӕуыл дзырдтат, Библийӕ цавӕр стихтӕ бакастыстут ӕмӕ йын цавӕр литературӕ ныууагътай. Уый фӕстӕ дын куыддӕр гӕнӕн фӕуа, афтӕ йӕм ногӕй бацу.
4. Цы нӕ хъӕуы, цӕмӕй ӕнтыстджын уӕм адӕммӕ ногӕй бацӕугӕйӕ?
4 Цы хъӕуы ногӕй бацӕуынӕн. Адӕммӕ ногӕй куы бацӕуай, уӕд хъуамӕ уай фӕлмӕн, хӕларзӕрдӕ, ӕмӕ адӕймаг хъуамӕ хата, ӕцӕг ыл кӕй тыхсыс, уый. Архай, цӕмӕй уӕ ныхас уа хуымӕтӕг ӕмӕ ӕнцайа Библийыл. Ныхас кӕнынӕн бацӕттӕ кӕн Библийӕ исты цымыдисаг темӕ ӕмӕ дӕ ныхасы кӕрон ратт, иннӕ хатт адзурӕн кӕуыл уа, ахӕм фарста. Хорз уаид, кӕимӕ ныхас кӕнай, уымӕн йӕ хъуыдытӕ Библиимӕ разы куы нӕ уой, уӕд ын афтӕ куы нӕ дзурис, раст нӕ хъуыды кӕныс, зӕгъгӕ, фӕлӕ уӕ дыууӕ дӕр разы цӕуыл стут, ууыл куы дзурис (Кол. 4:6).
5. Иу пионер цы сарӕзта ӕмӕ йын цы бантыст?
5 Адӕммӕ ногӕй бацӕуынӕн хъӕуы бирӕ тыхтӕ, фӕлӕ уый аргъ у. Японы иу пионер йӕ разы сӕвӕрдта нысан — алы мӕй дӕр адӕммӕ ногӕй арӕхдӕр цӕуын. Уый лӕмбынӕг фыста, хӕдзарӕй-хӕдзармӕ хъусынгӕнгӕйӕ кӕуыл ӕмбӕлд, уыдонӕй алкӕй тыххӕй дӕр ӕмӕ-иу сӕм авд боны мидӕг ногӕй бацыд. Уый лӕмбынӕг цӕттӕ кодта, цы зӕгъдзӕн, уый, ӕмӕ ӕдзух йӕ зӕрдыл дардта, цы хабар хъусын кӕны, уый адӕмы тынг кӕй хъӕуы. Иу хатт афтӕмӕй райдыдта иу лӕгимӕ Библи ахуыр кӕнын. Уый йын загъта: «Раздӕр ӕз никуы хъуыстон сымахуӕттӕм. Ныр фыццаг хатт байхъуыстон Ӕвдисӕнмӕ». Пионер зӕрдиагӕй кӕй архайдта, уымӕ гӕсгӕ арфӕгонд ӕрцыд. Мӕйы кӕрон йӕ хыгъды фыст уыд дӕс библион ахуыры.
6. Адӕммӕ ногӕй цӕмӕн хъуамӕ цӕуӕм?
6 Адӕмӕн ӕдзух ивынц сӕ царды уавӕртӕ (1 Кор. 7:31). Цымыдисгӕнӕг адӕймаджы цӕмӕй хӕдзары баййафай, уый тыххӕй йӕм арӕх бахъӕуы цалдӕр хатты бацӕуын. Фӕлӕ сӕм ногӕй цӕуын куы нӕ рох кӕнӕм, уӕд баххуыс кӕндзыстӕм, раст ахаст кӕмӕн и, уыдонӕн цардмӕ кӕнӕг фӕндагыл слӕууынӕн (Матф. 7:13, 14).