Уацамынды нӕ сайтӕй jw.org пайда кӕн

Цӕмӕй хорз хабар «суанг зӕххы кӕрӕттӕм дӕр» фӕхӕццӕ кӕнӕм, уымӕн нын нӕ сайт у стыр ӕххуыс (Хъуыд. 1:8). Адӕм арӕхдӕр нӕ сайты тыххӕй базонынц, нӕхӕдӕг сын ӕй куы равдисӕм, уӕд.

Иу районон цӕстдарӕг йӕ телефонмӕ рафыста видеоролик «Библи ахуыр кӕнын цӕмӕн хъӕуы?», зӕгъгӕ, ӕмӕ йын фадат куыддӕр фӕзыны, афтӕ йӕ адӕймагӕн равдисы. Зӕгъӕм, хӕдзарӕй-хӕдзармӕ хъусын кӕнгӕйӕ йӕ ныхас райдайы афтӕ: «Адӕмимӕ ныхас кӕнын ӕмӕ сын ӕххуыс кӕнын ӕртӕ ахсджиаг фарстайӕн дзуапп базонынӕн: „Адӕм уыйбӕрц зындзинӕдтӕ цӕмӕн ӕвзарынц? Хуыцау цы сараздзӕн? Куыд сфӕразӕм ацы зын цард?“ Ацы фарстатӕн дзуапп базонӕн ис мӕнӕ ацы видеороликӕй». Стӕй адӕймагӕн видеоролик равдисы ӕмӕ йӕ хъус фӕдары, лӕмбынӕг ӕм кӕсы ӕви нӕ, уымӕ. Бирӕтӕ йӕм цалынмӕ кӕронмӕ нӕ бакӕсынц, уӕдмӕ дзы сӕ цӕст атонын нӕ фӕкомы. Уый фӕстӕ ӕфсымӕр фӕзӕгъы: «Видеороликы фехъуыстай, Библи ахуыр кӕныны тыххӕй Интернеты курдиат байдзаг кӕнӕн кӕй ис. Ӕмӕ дын мӕ бон у равдисын, адӕмимӕ Библи куыд фӕахуыр кӕнӕм, уый». Адӕймаг куы сразы вӕййы, уӕд ӕфсымӕр спайда кӕны буклетӕй «Рӕстдзинад базонын дӕ фӕнды?», цӕмӕй йемӕ Библи ахуыр кӕнын райдайа. Адӕймаг ӕнӕвдӕлон куы вӕййы, уӕд та йын фӕзӕгъы, иннӕ хатт ӕм кӕй ӕрбацӕудзӕн. Сихорафон кафемӕ куы бацӕуы, уӕд, йӕ фарсмӕ чи сбады, уыимӕ фыццаг ӕнӕуи цӕуылдӕрты аныхӕстӕ кӕны ӕмӕ йын стӕй видеоролик равдисы, цӕмӕй йемӕ Библи ахуыр кӕнын райдайа. Ды та уацамынды нӕ сайтӕй jw.org фӕпайда кӕныс?