1914 азы тыххӕй цы зонӕм, уый иннӕтӕн ӕмбарын кӕнӕм
Библи нӕ разӕнгард кӕны, цӕмӕй «алкӕддӕр цӕттӕ уӕм», нӕ уырнындзинады тыххӕй нӕ чи фӕрса, уыдонӕн дзуапп раттынмӕ. Ӕрмӕст сын дзуапп хъуамӕ дӕттӕм «сабырӕй ӕмӕ уӕзданӕй» (1 Пет. 3:15). Фӕлӕ нын хатт ӕнцон нӕ вӕййы Библийы иуӕй-иу ахуырӕдтӕ ӕмбарын кӕнын, зӕгъӕм, Хуыцауы Паддзахад бартӕ йӕ къухмӕ 1914 азы кӕй райста, уый кӕцӕй зонӕм. Уыцы хъуыддаджы нын баххуыс кӕндзысты дыууӕ статьяйы рубрикӕйӕ «Ныхас кӕнӕм Библийыл», сӕ иумӕйаг ном у «Хуыцауы Паддзахад бартӕ йӕ къухмӕ кӕд райста?». Ацы статьятӕ ссарӕн ис, парахат кӕнынӕн чи сты, уыцы брошюрӕты октябрь ӕмӕ ноябрӕн. Куы сӕ кӕсай, уӕд-иу ахъуыды кӕн, не ’фсымӕр Володя иу нӕлгоймагимӕ куыд ныхас кодта, ууыл. Ӕркӕсӕм, дӕлдӕр цы фарстатӕ ис, уыдонмӕ.
Володя куыд...
...раппӕлыд адӕймагӕй, цӕмӕй сӕ ныхас хорз рауадаид? (Хъуыд. 17:22).
...равдыста сӕрныллӕгдзинад, цӕуыл ӕууӕнды, уый йын куы ’мбарын кодта, уӕд? (Хъуыд. 14:15).
Хорз цӕмӕй уыд...
...ӕндӕр хъуыды зӕгъыны размӕ-иу ногӕй цыбыртӕй кӕй загъта, цӕуыл аныхас кодтой, уый?
...адӕймаджы-иу кӕй афарста, цӕуыл аныхас кодтой, уый ӕмбары ӕви нӕ?
...иу хаттӕн ын бирӕ цыдӕртӕ кӕй нӕ радзырдта? (Иоан. 16:12).
Куыд бузныг стӕм Йегъовӕйӕ, нӕ «Кадджын Зондамонӕгӕй», рӕстдзинад чи агуры, уыдонӕн Библийы ахуырӕдтӕ ӕмбарын кӕнын куыд хъӕуы, уый нын кӕй амоны! (Ис. 30:20).