Архайӕм арӕхстджындӕрӕй хъусын кӕныныл. Уацамынды нӕ публикацитӕй искӕцыйы фӕрцы ӕвдисӕм, адӕмимӕ Библи куыд фӕахуыр кӕнӕм, уый
Уый ахсджиаг цӕмӕн у. Адӕмӕн Библи лӕвар ахуыр кӕныны тыххӕй куы фӕдзурӕм, уӕд бирӕтӕ нӕ фембарынц, цӕй кой сын кӕнӕм, уый. Чидӕртӕ сӕ, чи зоны, афтӕ ахъуыды кӕной, ӕмӕ хъуамӕ цавӕрдӕр къордмӕ ӕрбаиу уой кӕнӕ та Интернеты уылты цыдӕртӕ ахуыр кӕной. Уӕдӕ хорз уаид, Библи ахуыры тыххӕй-иу сын ӕнӕуи куы нӕ дзуриккам, фӕлӕ-иу сын куы равдисиккам, адӕмимӕ Библи куыд фӕахуыр кӕнӕм, уый. Дӕ бон у къӕсӕргӕрон дӕр цалдӕр минутмӕ адӕймагӕн равдисын, адӕмимӕ Библи куыд фӕахуыр кӕнӕм, уый, цӕмӕй йӕ йӕхӕдӕг фена, ӕнцон ӕмӕ ӕхсызгон хъуыддаг кӕй у.
Бафӕлвар мӕйы дӕргъы:
Йегъовӕмӕ кув, цӕмӕй дын дӕ фыдӕбонӕн раарфӕ кӕна, ӕмӕ искӕимӕ Библи ахуыр кӕнын райдайай (Фил. 2:13).
Бацархай, цӕмӕй-иу уацамынды ӕппынкъаддӕр иу хатт нӕ публикацитӕй искӕцыйы фӕрцы равдисай, адӕмимӕ Библи куыд фӕахуыр кӕнӕм, уый кӕнӕ-иу равдис видеоролик «Библи адӕмимӕ куыд фӕахуыр кӕнӕм?».