Фыццаг бацыды рӕстӕг равдисыс, Библи ахуыр кӕнӕн куыд ис, уый?
Иуӕй-иутӕн Библи ахуыр кӕныны тыххӕй куы ской кӕнӕм, уӕд нын фӕзӕгъынц, нӕ мӕ фӕнды кӕнӕ йӕ мӕхӕдӕг фӕкӕсын, зӕгъгӕ. Фӕлӕ йӕ нӕ зонынц, Библи куы ахуыр кӕной, уӕд цас базондзысты ӕмӕ куыд тынг райгонд уыдзысты, уый. Уымӕ гӕсгӕ, хорз вӕййы, адӕймагӕн Библи ахуыры тыххӕй зӕгъыны бӕсты суанг фыццаг бацыдӕй дӕр цыбыртӕй равдисын, Библи ахуыр кӕнӕн куыд ис, уый? Зӕгъӕм, ӕз хорз пъовыр дӕн ӕмӕ дын иннӕ хатт мӕ конд хӕринагӕй ӕрбахӕсдзынӕн дзурыны бӕсты, фӕлтау адӕймагӕн уыцы хӕринагӕй ратт ӕмӕ дзы фена. Адӕймагимӕ фыццаг бацыдӕй Библи ахуыр кӕнын куыд райдайӕм, уый тыххӕй спайда кӕнӕн ис, 2006 азы январы «Нӕ хъусын кӕныны хъуыддаджы», 5 фарсыл цы уынаффӕ ис, уымӕй:
«Куыд дӕм кӕсы, адӕм мӕнӕ ацы уынаффӕмӕ куы хъусиккой, уӕд сӕ бинонты цард хуыздӕр нӕ уаид? [Бакӕс Ефесӕгтӕм 5:33 ӕмӕ йӕ бауадз йӕ хъуыды зӕгъын.] Ацы хъуыддаджы тыххӕй мӕ фӕнды иу хорз хъуыды равдисын». Библи цы чиныджы ӕххуысӕй фӕахуыр кӕнӕм, уый адӕймагмӕ ратт ӕмӕ йын равдис, цӕуыл ныхас кӕнут, уый кӕм фыст ис, уый. Абзацмӕ цы фарста ис, уый уал бакӕс, стӕй адӕймагӕн зӕгъ, цалынмӕ абзац кӕсыс, уӕдмӕ цӕмӕй дзуапп ссарыныл бацархайа. Стӕй йӕм ногӕй фарста ратт ӕмӕ йӕм лӕмбынӕг байхъус. Уый фӕстӕ абзацӕй иннӕ стихтӕ дӕр бакӕсут. Ратт ӕм, иннӕ хатт кӕуыл аныхас кӕндзынӕ, ахӕм фарста ӕмӕ баныхас кӕн иннӕ фембӕлдмӕ. Афтӕ дын куы рауайа, уӕд зӕгъӕн ис, адӕймагимӕ Библи ахуыр кӕнын кӕй райдыдтай.