«Уазӕгуарзон у – иннӕтӕн „хорздзинӕдтӕй“ хай кӕн» (Матф. 12:35а)

Махӕй алкӕй дӕр фӕнды, цӕмӕй «алкӕддӕр уа уазӕгуарзон» ӕмӕ афтӕмӕй иннӕтӕн «хорздзинӕдтӕй» хай кӕна (Ром. 12:13). Зӕгъӕм, хистӕр нӕлгоймӕгтӕ сӕ хъус фӕдарынц, цӕмӕй-иу, се ’мбырдмӕ раныхасимӕ чи ’рбацӕуы, уыдоны уазӕгуаты фӕхоной, стӕй-иу сын фӕндаггаг ӕхца ӕмбырды хардзӕй раттой. Фӕлӕ нӕ, чи зоны, исчи ӕфсӕрмы кӕны ӕфсымӕры уазӕгуаты фӕхонын, нӕ къух бирӕ кӕй нӕ амоны, уый тыххӕй. Кӕнӕ та, чи зоны, фӕтыхсӕм, исчи нӕм куы ӕрбацӕуы, уӕд. Йесо Марфӕйӕн цы уынаффӕ радта, уый нын баххуыс кӕндзӕн, цӕмӕй уыдӕттыл ӕгӕр ма мӕт кӕнӕм (Лук. 10:39–42). Йесо куыд бамбарын кодта, афтӕмӕй уазӕгуарзондзинадӕн йӕ «хуыздӕр хай» уый нӕу, ӕмӕ адӕймагӕн йӕ разы диссаджы фынгтӕ ӕрӕвӕрай кӕнӕ йӕ райдзаст хӕдзармӕ фӕхонай, фӕлӕ, йемӕ хӕларзӕрдӕ уай ӕмӕ йын йӕ ныфсыл ныфс бафтауай, уый. Ацы уынаффӕмӕ гӕсгӕ куы архайӕм, уӕд нӕ алкӕмӕн дӕр йӕ бон уыдзӕн, Хуыцауы Ныхас нын куыд амоны, афтӕ не ’фсымӕртӕн «хорздзинӕдтӕй» хай кӕнын (3 Иоан. 5–8).