Кӕрӕдзийы зынгзӕрдӕйӕ разӕнгард кӕнут хорз хъуыддӕгтӕм

Дзуттӕгтӕм 10:24 стихы фыст ис: «Нӕ кӕрӕдзийыл хъуыды кӕнӕм, цӕмӕй кӕрӕдзийы разӕнгард кӕнӕм уарзондзинадмӕ ӕмӕ хорз хъуыддӕгтӕм». Не ’фсымӕрты разӕнгард кӕндзыстӕм, нӕхӕдӕг сын фӕзминаг куы уӕм ӕмӕ сын нӕ уырнындзинадӕй сӕ ныфсыл ныфс куы ӕфтауӕм, уӕд. Уацамынды дыл цы хорз хабӕрттӕ ӕрцӕуы, уыдон-иу ӕмбырды иннӕтӕн радзур. Бӕрӕг уӕд, Йегъовӕйӕн лӕггад кӕнын дын цы стыр циндзинад хӕссы, уый. Фӕлӕ сӕ дӕхиимӕ кӕнӕ иннӕтимӕ ма бар (Гал. 6:4). Де ’нтыстдзинӕдты тыххӕй иннӕтӕн афтӕ ма дзур, цӕмӕй сӕ зӕрдӕ сӕхиуыл ӕрхуда ӕмӕ сӕ уый тыххӕй бафӕнда цыдӕр саразын. Фӕлӕ сӕ «уарзондзинадмӕ» разӕнгард кӕн. (Кӕс чиныг «Хъусынгӕнджыты скъола», 158 ф., 4 абз.) Иннӕты уарзондзинадмӕ куы разӕнгард кӕнӕм, уӕд сӕхӕдӕг хорз хъуыддӕгтӕ араздзысты, зӕгъӕм, иннӕтӕн ӕхцайӕ ӕххуыс кӕндзысты кӕнӕ адӕмӕн хорз хабар хъусын кӕндзысты (2 Кор. 1:24).