Адӕмимӕ Библийыл ныхас кӕнынӕн пълӕнттӕй арӕхстджынӕй пайда кӕнӕм

Адӕймаг Библийы ахуырӕдтӕ куы базоны ӕмӕ йӕ цард уымӕ гӕсгӕ куы фӕаразы, уӕд райдайы уырнындзинады рӕзын ӕмӕ дыргъ хӕссын (Пс. 1:1–3). Адӕмимӕ Библийыл ныхас кӕнынӕн пълӕнттӕй цас арӕхстджындӕрӕй пайда кӕнӕм, уыйас нӕ ахуыргӕнинаг уырнындзинады тынгдӕр рӕздзӕн. Уыцы хъуыддаджы нын цы баххуыс кӕндзӕн?

Фарстатӕ пълӕнтты. Алы пъланы дӕр ис, дзуапп дзы ссарӕн кӕмӕн ис, ахӕм фарстатӕ. Уыцы фарстатӕ афтӕ дӕттӕн ис, ӕмӕ сын дзуапп дӕттын ма хъӕуа ӕмӕ, цӕуыл ныхас кӕндзыстут, уый адӕймаджы бацымыдис кӕна. Кӕнӕ та йын зӕгъӕн ис, цӕмӕй фарстатӕн цыбыр дзуапп ратта. Раст дзуапп куы нӕ ратта, уӕд ын уайтагъд дзурын нӕ хъӕуы, афтӕ нӕу, зӕгъгӕ. Цы дзуаппытӕ дӕтта, уымӕ гӕсгӕ дӕ бон уыдзӕн бамбарын, хуыздӕр цӕуыл уыдзӕн аныхас кӕнын, уый.

Чиныг «Рассуждение». Цӕмӕй нӕ ахуыргӕнинаг ӕрмӕг хуыздӕр бамбара, уый тыххӕй ахуыры рӕстӕг нӕ бон у йемӕ, темӕмӕ чи хауы, уыцы хъуыдытыл чиныгӕй «Рассуждение» аныхас кӕнын. Иннӕ хатт та нӕ бон у цалдӕр минуты рахицӕн кӕнын ӕмӕ йӕм фарстатӕ раттын, цӕмӕй сбӕрӕг кӕнӕм, алцыдӕр бамбӕрста ӕви нӕ.

Фарстатӕ ӕрмӕг зӕрдыл ӕрлӕууын кӕнынӕн. Адӕймагимӕ темӕйыл кӕронмӕ куы аныхас кӕнай, уӕд-иу ӕм ратт, рагацау кӕй бацӕттӕ кӕнай ӕмӕ ӕрмӕгимӕ баст чи уа, иу кӕнӕ дыууӕ ахӕм фарстайы зӕрдыл ӕрлӕууын кӕнынӕн. Адӕймагимӕ фарстайыл куы ныхас кӕнай, уӕд ӕй фендзынӕ, сӕйраг хъуыдытӕ бамбӕрста ӕмӕ сӕ йӕ бон иннӕтӕн бамбарын кӕнын бауыдзӕн ӕви нӕ, уый. Уый фӕстӕ йын зӕгъ, цӕмӕй йӕ дзуапп стихтӕм гӕсгӕ бамбарын кӕна (Хъуыд. 17:2, 3).