Архайӕм арӕхстджындӕрӕй хъусын кӕныныл. Библи кӕимӕ ахуыр кӕнӕм, уыдонӕн ӕххуыс кӕнӕм, цӕмӕй сӕхи Хуыцауӕн снывонд кӕной ӕмӕ донаргъуыд райсой

УЫЙ АХСДЖИАГ ЦӔМӔН У. Цӕмӕй, Библи кӕимӕ ахуыр кӕнӕм, уыдон Йегъовӕйы хорзӕх ссарой, уый тыххӕй йын хъуамӕ сӕхи снывонд кӕной ӕмӕ донаргъуыд райсой (1Пт 3:21). Йӕ нывонддзырдмӕ гӕсгӕ чи цӕры, уыдонӕн сӕ уырнындзинадӕн тӕссаг нӕу (Пс 91:1, 2). Нӕхи цавӕрдӕр адӕймагӕн, куыстӕн кӕнӕ организацийӕн не снывонд кӕнӕм, фӕлӕ Йегъовӕйӕн. Уымӕ гӕсгӕ нӕ ахуыргӕнинӕгтӕ хъуамӕ Хуыцауы бауарзой ӕмӕ йын аргъ кӕнын сахуыр уой (Ро 14:7, 8).

УЫЙ КУЫД ИС АРАЗӔН:

• Ахуыры рӕстӕг-иу дӕ ахуыргӕнинаджы бафӕрс, ӕрмӕгӕй Йегъовӕйы тыххӕй ногӕй цы базыдта, уымӕй. Ӕмбарын ын кӕн, ахсджиаг кӕй у Библи алы бон дӕр кӕсын ӕмӕ Йегъовӕмӕ «ӕппынӕдзух» кувын (1Фс 5:17; Иак 4:8)

• Баразӕнгард ӕй кӕн, цӕмӕй йӕ разы ахӕм нысан сӕвӕра, ӕмӕ йӕхи Йегъовӕйӕн снывонд кӕна ӕмӕ донаргъуыд райса. Стӕй йын ӕххуыс кӕн, цӕмӕй йӕ къухы гыццылдӕр нысӕнттӕ ӕфтой, зӕгъӕм, ӕмбырды дзуапп дӕтта, йӕ сыхӕгтӕн ӕмӕ йе ’мкусджытӕн хорз хабары тыххӕй дзура. Дӕ зӕрдыл дар, Йегъовӕ йӕхицӕн тыхӕй кӕй никӕй лӕггад кӕнын кӕны. Адӕймаг донаргъуыд райсдзӕн ӕви нӕ, уый йӕхӕдӕг скъуыддзаг кӕны (Д.з 30:19, 20)

• Баразӕнгард ӕй кӕн, йӕ царды йӕ фӕивын цы хъӕуы, уый фӕивынмӕ, цӕмӕй Йегъовӕйы зӕрдӕ рухс кӕна ӕмӕ донаргъуыд райсынмӕ цӕттӕ уа (Ӕм 27:11). Адӕймагӕн цавӕрдӕр миниуджытӕ йӕ удыхъӕды афтӕ тынг ныффидар вӕййынц ӕмӕ цавӕрдӕр ӕвзӕр хъуыддӕгтыл афтӕ тынг сахуыр вӕййы, ӕмӕ йӕ, чи зоны, фылдӕр ӕххуыс хъӕуа, цӕмӕй йӕ зӕронд удыхъӕд ногмӕ раива (Еф 4:22–24). Йемӕ аныхас кӕн, кӕй фӕпарахат кӕнӕм, уыцы брошюрӕйы рубрикӕйыл «Библи ивы адӕймаджы цард»

• Дзур-иу ын, Йегъовӕйӕн лӕггад кӕнын дын цы циндзинад хӕссы, уый тыххӕй (Ис 48:17, 18)