Адӕмӕн сӕ фылдӕры фӕдыл ма цу

23:1–3

Йегъовӕ тӕрхонгӕнджыты ӕмӕ ӕвдисӕнты бафӕдзӕхста, цӕмӕй адӕмӕн сӕ фылдӕры фӕдыл ма цыдаиккой: хъуамӕ-иу рӕстдзинад ма сзыгъуыммӕ кодтаиккой ӕмӕ-иу мӕнгӕвдисӕн ма ныллӕууыдаиккой. Фӕлӕ, уыцы фӕдзӕхсты бындуры цы уагӕвӕрд ис, уый ахӕссӕн ис царды иннӕ хъуыддӕгтӕм дӕр. Ацы дуне ӕдзух архайы, цӕмӕй чырыстӕттӕ, Йегъовӕйӕн чи нӕ лӕггад кӕны, уыдоны зондахаст ӕмӕ хъуыддӕгтӕ фӕзмын райдайой (Ро 12:2).

Зондыл дзурӕг цӕуылнӕ уыдзӕн адӕмӕн сӕ фылдӕры фӕдыл цӕуын:

• бӕлвырд-бӕрӕг чи нӕу, ахӕм ныхӕстӕ кӕнӕ дам-думтӕ куы фехъусай, уӕд?

• уӕлӕдарӕс, сӕрыфаст кӕнӕ ирхӕфсӕнтӕ куы ӕвзарай, уӕд?

• ӕндӕр адӕмыхаттӕй чи у кӕнӕ дӕуӕй хъӕздыгдӕр кӕнӕ мӕгуырдӕр чи у, уыдоныл-иу куы хъуыды кӕнай кӕнӕ-иу, зӕгъӕм, семӕ куы ныхас кӕнай, уӕд?