Ног лӕггады азмӕ дӕ разы цавӕр нысӕнттӕ сӕвӕрдтай?

Хуыцауы хъуыддаджы нӕ разы цы нысӕнттӕ сӕвӕрӕм, уыдоны фӕрцы нӕ бон вӕййы фылдӕр лӕггад кӕнын ӕмӕ йын йӕ зӕрдӕ рухс кӕнын. Цӕмӕй нӕ нысӕнттӕ нӕ къухы бафтой, уый тыххӕй фӕхъӕуы рӕстӕг ӕмӕ тыхтӕ. Фӕлӕ уый йӕ фыдӕбоны аргъ у, уымӕн ӕмӕ афтӕмӕй свӕййӕм фӕлтӕрдджындӕр (1Тм 4:15). Рӕстӕгӕй-рӕстӕгмӕ нӕ фӕхъӕуы нӕ нысӕнттыл ахъуыды кӕнын. Цӕмӕн? Уымӕн ӕмӕ нӕ уавӕртӕ фӕивынц, ӕмӕ нӕ бон нал вӕййы кӕцыдӕр нысӕнттӕм тырнын. Йе та, чи зоны, нӕ нысан нӕ къухы бафтыд ӕмӕ нӕ хъӕуы ног нысан сӕвӕрын.

Хорз уаид, ног лӕггады азы размӕ куы ахъуыды кӕниккам, нӕ бон цавӕр нысӕнттӕ у нӕ разы сӕвӕрын, ууыл. Уӕ бон нӕ уаид бинонты ахуыры рӕстӕг аныхас кӕнын, иумӕ ӕмӕ хицӕнтӕй дӕр цавӕр нысӕнттӕм тырндзыстут, ууыл?

Дӕлдӕр цы хъуыддӕгтӕ ис, уыдонимӕ баст нысӕнттӕ дын ис? Цавӕр сты ӕмӕ цы саразинаг дӕ, цӕмӕй дӕ къухы бафтой?