Хӕсты азар адӕмы басыгъта
Хӕстытӕ адӕмӕн стыр хъизӕмӕрттӕ бавзарын кӕнынц. Ӕфсӕддонтӕ ӕмӕ ӕнӕуи адӕмӕй хӕсты цӕхӕр кӕй басыгъта, уыдон уый сӕхицӕй зонынц.
ӔФСӔДДОНТӔ
«Ӕппынӕдзух уыныс, адӕмы куыд марынц кӕнӕ уӕззау цӕфтӕ куыд фӕвӕййынц, уый. Ӕмӕ дӕхиуыл дӕр кӕд цы ӕрцӕудзӕн, уый нӕ зоныс» (Гари, Великобритани).
«Мӕ фӕсонтӕ ӕмӕ мӕ цӕсгом фӕцӕфтӕ сты. Бирӕ мӕрдтӕ федтон, уыимӕ сывӕллӕтты ӕмӕ ацӕргӕты мӕрдтӕ. Хӕсты аххосӕй адӕймагмӕ иннӕты рыст нал фӕхъары» (Уилмар, Колумби).
«Дӕ разы адӕймаджы куы фехсой, уӕд уый ӕдзух дӕ цӕстыты раз уыдзӕн. Дӕ хъустыл уайдзӕн, куыд хъӕр кодта ӕмӕ куыд хъӕрзыд. Уый дӕ никуы ферох уыдзӕн» (Зафирӕ, Америкӕйы Иугонд Штаттӕ).
ӔНӔУИ АДӔМ
«Афтӕ мӕм каст, ӕмӕ царды ницӕуылуал бацин кӕндзынӕн. Куы мӕ амарой, уымӕй тарстӕн. Фӕлӕ тынгдӕр мӕ бинонтӕн ӕмӕ ме ’мбӕлттӕн тарстӕн» (Александрӕ, Украинӕ).
«Хӕринагмӕ-иу 20 сахатӕй фылдӕр рады фӕлӕууыдыстӕм. Ӕмӕ-иу тынг тарстыстӕм, уымӕн ӕмӕ нӕ зыдтам, нӕмыг ныл кӕд суайдзӕн, уый» (Далер, Таджикистан).
«Хӕсты мын мӕ ныййарджыты амардтой. Сидзӕрӕй баззадтӕн ӕмӕ мыл чи батыхстаид, уый нӕ уыд» (Мари, Руандӕ).
Кӕд ацы адӕмы хӕсты азар басыгъта, уӕддӕр удӕнцой ссардтой. Ӕмӕ сӕ фидарӕй уырны, тагъд хӕстытӕн ӕмӕ фыддзинадӕн кӕрон кӕй ӕрцӕудзӕн. Кӕрон сын куыд ӕрцӕудзӕн, уый базонӕн ис Библийӕ.