Хъусын кӕныны хъуыддагӕн аргъ кӕнӕм
1. Ацы дунейы нын бирӕтӕ нӕ хъусын кӕныны хъуыддагмӕ цы цӕстӕй кӕсынц?
1 Сайтаны дунейы нын бирӕтӕ нӕ хъусын кӕныны хъуыддаг нымайынц «ӕнӕзонддзинадыл» (1 Кор. 1:18–21). Лӕмбынӕг куы нӕ уӕм, уӕд нын ахӕм зыгъуыммӕ зондахаст нӕ ныфс асӕтдзӕн ӕмӕ нын нӕ зӕрдӕйы зынг ӕрмынӕг кӕндзӕн (Ӕмб. 24:10; Ис. 5:20). Йегъовӕйы Ӕвдисӕнтӕ кӕй стӕм, уый стыр кадыл цӕмӕн хъуамӕ нымайӕм? (Ис. 43:10).
2. Нӕ лӕггад «табуйаг хъуыддагыл» нымад цӕмӕн у?
2 «Табуйаг хъуыддаг». Апостол Павел йӕ лӕггад нымадта «табуйаг хъуыддагыл» (Ром. 15:15, 16). Нӕ лӕггад «табуйаг хъуыддаг» куыд у? Хъусын кӕнгӕйӕ мах вӕййӕм «Сыгъдӕг Хуыцауы», Йегъовӕйы, ӕмкусджытӕ ӕмӕ йын афтӕмӕй йӕ ном рухс кӕнӕм (1 Кор. 3:9; 1 Пет. 1:15). Йегъовӕ нын нӕ уацамынд нымайы «кады нывондыл», ӕмӕ нӕ чырыстон царды уымӕй ахсджиагдӕр ницы ис (Дзут. 13:15).
3. Хорз хабар хъусын кӕнын стыр кад цӕмӕн у?
3 Хорз хабар хъусын кӕнын у стыр кад, фӕлӕ алкӕмӕн лӕвӕрд нӕу. Ацы куыст Хуыцау зӕдтӕн куы бабар кодтаид, уӕд ӕй сӕхицӕн стыр кадыл нымадтаиккой ӕмӕ йӕ уыдоны хуызӕн кӕнгӕ дӕр ничи бакодтаид (1 Пет. 1:12). Фӕлӕ уыцы диссаджы куыст кӕнынӕн Йегъовӕ равзӕрста мах, ӕнӕххӕст адӕмы – «ӕлыг мигӕнӕнты»! (2 Кор. 4:7).
4. Нӕ лӕггадӕн кӕй аргъ кӕнӕм, уый нӕ бон равдисын куыд у?
4 Сӕйраг хъуыддаг. Нӕ лӕггадӕн стыр аргъ кӕй кӕнӕм, уымӕ гӕсгӕ нын царды уымӕй ахсджиагдӕр ницы ис (Фил. 1:10). Уый тыххӕй алы къуыри дӕр рӕстӕг арӕм, цӕмӕй уацамынды цӕуӕм. Ӕгас дунейы зындгонд оркестры чи цӕгъды, уыцы музыканттӕ уымӕн стыр аргъ куы фӕкӕнынц, уӕд алы концертмӕ дӕр сӕхи хорз фӕцӕттӕ кӕнынц ӕмӕ фӕархайынц, цӕмӕй дӕсныдӕр цӕгъдой. Раст афтӕ мах дӕр уацамындмӕ нӕхи хорз цӕттӕ кӕнӕм, цӕмӕй рӕстдзинады ныхас раст ӕмбарын кӕнӕм ӕмӕ архайӕм, цӕмӕй иннӕты арӕхстджынӕй ахуыр кӕнӕм (2 Тим. 2:15; 4:2).
5. Нӕ лӕггадӕн нын чи аргъ кӕны?
5 Адӕмӕн сӕ фылдӕр хорз хабармӕ кӕй нӕ байхъусынц, уый нын нӕ ныфс ма асӕттӕд. Рох кӕнын нӕ нӕ хъӕуы, нӕ участокты нырма кӕй ис, не ’рбацыд ӕхсызгон кӕмӕн вӕййы, бирӕ ахӕм адӕм. Фӕлӕ мах адӕмы хорзӕх агурынмӕ нӕ фӕцӕуӕм. Ахсджиагдӕр у, Йегъовӕ цы хъуыды кӕны ӕмӕ нын нӕ зӕрдӕбын архайдӕн тынг кӕй аргъ кӕны, уый (Ис. 52:7).