Цардамӕлттӕ кӕнын дын зын куы уа, уӕддӕр фидар лӕуу

Ацы фӕстаг бонты цард у зындзинӕдтӕй йедзаг. Ӕмӕ кӕрон куыд хӕстӕгдӕр кӕны, афтӕ нӕ зындзинӕдтӕ фылдӕрӕй-фылдӕр кӕндзысты. Гӕнӕн ис, ӕмӕ нӕ ӕнӕмӕнг цы хъӕуы, уыдӕттӕ дӕр нын ма уа (Ав 3:16–18). Цардамӕлттӕ кӕнын нын зын куы уа, уӕд нын цы баххуыс кӕндзӕн, цӕмӕй ма тыхсӕм? Хъуамӕ дарддӕр дӕр нӕ ныфс нӕ Хуыцау Йегъовӕйыл дарӕм. Уый йӕ лӕггадгӕнджытӕн зӕрдӕ бавӕрдта, кӕй сыл тыхсдзӕн ӕмӕ сын цыфӕнды уавӕрты дӕр кӕй дӕтдзӕн, ӕнӕмӕнг сӕ цы хъӕуы, уыдӕттӕ (Пс 37:18, 19; Дзт 13:5, 6).

Дӕ бон цы у аразын:

• Йегъовӕйӕ ӕххуыс кур, цӕмӕй дын зонд ратта ӕмӕ дын куыд кӕнгӕ у, уый бацамона (Пс 62:8).

• Цӕттӕ у, раздӕр кӕй никуы кодтай, ахӕм куыст кӕнынмӕ дӕр (g-U 1/10 8, 9 фф., рамкӕтӕ).

• Алы бон Библи кӕс, ӕмбырдтӕм цу ӕмӕ хорз хабар хъусын кӕн.

БАКӔС ВИДЕОРОЛИКМӔ «ФИДАР ЧИ ЛӔУДЗӔН, АХӔМ ХӔДЗАР АРАЗУТ. „ЦЫ УЫН ИС, УЫЙ ФАГЫЛ НЫМАЙУТ“» ӔМӔ ДЗУАПП РАТТ АЦЫ ФАРСТАТӔН:

• Иуӕй-иу бинонтӕ цавӕр зындзинӕдтыл сӕмбӕлдысты?

• Царды алцӕмӕй ахсджиагдӕр цы у?

• Цардамӕлттӕ кӕнын зын кӕмӕн у, уыдонӕн нӕ бон куыд у ӕххуыс кӕнын?