Хуыцауы чиныг – стыр хӕзна

1. Иу чиныг ис – йӕ ныхӕстӕй уый абон

У цин ӕмӕ ныфсы хос адӕмӕн.

Ыстыр тых ис йӕ диссаджы хъуыдыты,

Цард ратты «мардӕн», цӕстырухс – «куырмӕн».

О, уыцы стыр хӕзна у махӕн Библи –

Фыстой Хуыцауы ’взӕрст лӕгтӕ уый раст,

Уыди сӕ алчи сыгъдӕг тыхӕй хайджын,

Сыгъди сӕ зӕрдӕты Хуыцауы уарзт.

2. Ныффыстой раст, Хуыцау куыд скодта дуне,

Куыд фӕзынд йе стыр хъаруйӕ ӕппӕт,

Куыд скодта ’наипп, ’нӕтӕригъӕд адӕм,

Фӕлӕ ыстӕй куыд фесӕфти дзӕнӕт.

Стӕй дарддӕр иу зӕды тыххӕй ныффыстой –

Уый загъта уӕд, кӕй нӕу Йегъовӕ раст.

Йӕ фыдвӕнд маст ӕмӕ мӕлӕт ӕрхаста,

Фӕлӕ Хуыцауы стыр бон у ӕввахс.

3. Цӕрӕм мах абон амондджын рӕстӕджы –

Ӕрвтыл Хуыцауы Паддзахад фӕзынд.

Зӕххыл ыскӕндзӕн диссаджы рӕсугъд цард!

Фӕнды нӕ уый ныр алкӕмӕн зӕгъын.

Хуыцауы чиныг цины хабар дзуры,

Йӕ сыгъдӕг, рухс ныхӕстӕй ’фсӕды уд.

Уый у ӕцӕг фарн, удӕнцойы суадон.

Кӕсӕм ӕй алкӕд, стыр хӕзна нын у.