¡Ma gä mbitabihu̱ gatꞌho yä jäꞌi pa dä ntini ha rä Fenäte de rä du rä Hesu!

Nunä je̱ya ma gä fu̱dihu̱ gä uñhu̱ yä imbitasio dende rä 27 febrero. Ma gä mbitabihu̱ gatꞌho yä jäꞌi de mä territoriohu̱ pa dä ntini kongekhu̱ ha rä Fenäte de rä du rä Hesu. Ma gä o̱thu̱ ntsꞌe̱di po gä sigi gä tso̱nihu̱ nuꞌu̱ yä jäꞌi bi hñäni rä imbitasio.

HANJA DÄ ZA GI JA

SIGI NUNÄ PRESENTASION

«Di umfe yä zi jäꞌi nunä imbitasio pa dä ntini ha nꞌa rä fenäte. Rä 23 de rä märso, yä miyontho yä jäꞌi ma dä ntini po gatꞌho rä Xiꞌmhai pa dä beni rä du rä Hesu, ꞌne pa dä yꞌo̱de nꞌa discurso habu̱ ma dä mhää por hanja bi du rä Hesu po nuju̱. Ha nunä imbitasio ja huxkua te mä ora ꞌne habu̱ ma dä nja näꞌä Fenäte. Po rä mäte ntini kongekhe.»

Mu̱ näꞌä jäꞌi bi yꞌo̱de xä ñho:

• UMBÄBI RÄ REBISTA LA ATALAYA

  Yꞌo̱tꞌe nꞌa rä ntꞌani pa gi thädi xki pengi gi ja rä rebisita.

• ꞌÑUTI RÄ BIDEO DE RÄ FENÄTE DE RÄ DU RÄ HESU

  Yꞌo̱tꞌe nꞌa rä ntꞌani pa gi thädi xki pengi gi ja rä rebisita.

Xki ja rä rebisita:

• ꞌÑUTI RÄ BIDEO ¿POR HANJA MÄHYONI GÄ NXADIHU̱ RÄ MÄKÄ TꞌOFO?

  ꞌNepu̱ tsokuäbi nꞌa de nuꞌu̱ yä he̱ꞌmi xä thoki pa gä uñhu̱ yä estudio de rä Mäkä Tꞌofo.

• USA RÄ MFISTꞌOFO ¿TE XA MÄJUÄNI UDI RÄ MÄKÄ TꞌOFO?

  Xoki nuꞌu̱ yä nxii 236 asta 238 pa gi ꞌñuti mä nꞌa tu̱i de rä Mäkä Ntꞌoxi. ꞌNepu̱ tsokuäbi nunä mfistꞌofo.

• USA RÄ FOYETO YꞌO̱TE ÄJUÄ

  Xoki nuꞌu̱ yä nxii 18 ꞌne 19 pa gi ꞌñuti te mä ñho dä za gä hänihu̱ po näꞌä rä te bi uni rä Hesu. ꞌNepu̱ tsokuäbi rä foyeto.