Yä jähñä rꞌakägihu̱ rä balo

Mäske Pablo ꞌne Silas mi o fadi, nuꞌu̱ bi nsunda Äjuä ko yä jähñä (Hch 16:25). O̱tꞌe rꞌa yä je̱ya, mä kuhu̱ ꞌnehe mi tuti yä jähñä pa rä Zi Dada Jeoba nuꞌmu̱ bi tꞌe̱ntꞌi ha rä fadi de Sachsenhausen, ha rä Alemania nazi ꞌne nuꞌmu̱ bi tsꞌitsꞌi de gä ꞌme̱go ha Siberia. Nuya yä esperiensia udi hängu rä tsꞌe̱di pe̱ꞌtsi nuꞌu̱ yä jähñä pa dä nupäbi yä mfeni ꞌne dä umbäbi rä tsꞌe̱di nuꞌu̱ mä kuhu̱ thogi yä ntꞌu̱tsate o märꞌa yä xuñha.

Mänꞌitꞌho, ndunthi yä idioma ma dä me̱ꞌtsi näꞌä rä rꞌayꞌo mfistꞌofo de gä jähñä rä thuhu Cantemos con gozo a Jehová. Ora xkä pe̱ꞌtsihu̱ nunä mfistꞌofo o rꞌa de nuꞌu̱ yä thuhu, dä hogi gä nsayahu̱ ha mä Mhuntsꞌihu̱ de gä Familia pa gä mepye̱hu̱ (Ef 5:19). Njabu̱, ora gä thogihu̱ yä prueba, rä mäkä tsꞌe̱di Äjuä dä za dä maxkägihu̱ pa gä benihu̱ nuꞌu̱ yä jähñä. Nuya yä jähñä faxkägihu̱ pa hingä häki de mä mfenihu̱ näꞌä rä humu̱i di pe̱ꞌtsihu̱. ꞌNehe rꞌakägihu̱ rä tsꞌe̱di ora di thogihu̱ yä xuñha. Asta nuꞌmu̱ hinte mä xuñha di pe̱ꞌtsihu̱, nuya yä jähñä jakägihu̱ gä ntuhuhu̱ ko ndunthi rä johya ngeꞌä ma korasohu̱ di senti xä ñho (1Cr 15:16; Sl 33:1-3). ¿Hänge dä hogi gä o̱thu̱ ntsꞌe̱di po gä tutihu̱ ꞌne gä mepye̱hu̱ nuꞌu̱ yä jähñä?

HYANDIHU̱ RÄ BIDEO NꞌA RÄ JÄHÑÄ NÄꞌÄ BI UMBÄBI RÄ TSꞌE̱DI NUꞌU̱ YÄ KU MI O FADI. MꞌE̱FA THÄDIHU̱ NUYA YÄ NTꞌANI:

• ¿Te mä xuñha mi thogi rä ku Frost ora bi hyoki nꞌa rä jähñä?

• ¿Hanja bi matsꞌi nunä jähñä nuꞌu̱ yä ku mi jotꞌi ha rä fadi de Sachsenhausen?

• ¿Ante ngu te mä xuñha dä za dä maxꞌäꞌi yä jähñä?

• ¿Ngu te mä jähñä gi hohmä gi mepye̱?