¿Te dä za gä pädihu̱ de yä thuhu?

¿Ndaꞌu̱ nuꞌu̱ yä thuhu de JW Broadcasting^® mänꞌa gi ho? ¿Por hanja? ¿Xkä handi ge nuꞌu̱ yä thuhu de gä bideo udi näꞌä di thogihu̱ ha mä mꞌu̱ihu̱? Ha JW Broadcasting^® ja ndunthi yä thuhu ꞌne zäi ge jabu̱ rꞌa nuꞌu̱ xa di hohu̱. Pe nuya yä thuhu de gä bideo hingä ho̱nse̱ pa gä handihu̱ o gä ntuhuhu̱.

Kada nꞌa de nuya yä thuhu utkägihu̱ hanja ri ꞌñehe gä mꞌu̱ihu̱ o hanja gä predikahu̱. Rꞌa yä thuhu udi hanja gä uñhu̱ ntsaya ꞌne hanja gä mädihu̱ nꞌa ngu mänꞌaa. ꞌNehe, utkägihu̱ hanja gä huahnihu̱ yä hogä ntsitsꞌi, hanja gä udihu̱ rä balo, rä mhäte ꞌne rä komfiansa po Äjuä. Märꞌaa, di mbitagihu̱ gä pengihu̱ ko Jeoba, gä pumbäbihu̱ märꞌaa, gä yꞌohu̱ mänjuäntho ha rä ꞌñuu Jeoba ꞌne gä honihu̱ märꞌa yä forma pa gä pe̱päbihu̱. Asta ja nꞌa rä thuhu näꞌä utkägihu̱ ge hingi debe gä ꞌme̱dihu̱ mä tiempohu̱ ko rä celular. ¿Te mä nꞌa xä ꞌñutäꞌi nuꞌu̱ yä thuhu de gä bideo?

HYANDIHU̱ RÄ THUHU DE GÄ BIDEO MA DÄ ZO̱HO̱ MÄNꞌITꞌHO. MꞌE̱FA THÄDIHU̱ NUYA YÄ NTꞌANI:

• ¿Te mä promesa de Äjuä o ha yä mfeni näꞌä medinthäti? (Gé 12:3).

• ¿Te dä za gä pe̱fihu̱ pa mänꞌa dä ze̱di mä komfiansahu̱ ge Jeoba ma dä kumpli yä promesa?

• ¿Te mä promesa ma dä kumpli Jeoba mänꞌitꞌho?

• ¿Hanja faxkägihu̱ gä ze̱tihu̱ yä xuñha gä pädihu̱ te ma dä me̱fi rä Tsꞌu̱tꞌhui Äjuä po gekhu̱? (Ro 8:25).