Usa nuya yä bideo pa gi fu̱di nꞌa rä curso de rä Mäkä Tꞌofo

Di pe̱ꞌtsihu̱ goho yä bideo nuꞌu̱ dä za gä usahu̱ ora di predikahu̱. ¿Pa te bi thoki kada nꞌa de nuya yä bideo ꞌne hanja dä za gä usahu̱?

• 

  ¿Por hanja mähyoni gä nxadihu̱ rä Mäkä Tꞌofo? (xo̱ge rä bideo). ꞌMu̱i ndunthi yä jäꞌi nuꞌu̱ ya di ho dä yꞌo̱de de rä Noya Äjuä. Hänge nunä bideo bi thoki pa dä animäbi nuya yä zi jäꞌi dä sigi dä hyoni ha rä Biblia rä mpengi nuꞌu̱ yä ntꞌani xä yꞌo̱tꞌe ꞌne tupäbi yä mu̱i. Ha nunä bideo thädi nꞌa rä ntꞌani ꞌne esplika xä ñho toꞌo di mända ha rä xiꞌmhai. Pa ri uadi, esplika hanja dä za toꞌo dä yꞌadi nꞌa rä curso de rä Mäkä Tꞌofo.

• 

  ¿Por hanja mähyoni gä nxadihu̱ rä Mäkä Tꞌofo? (rä tꞌu̱kä bideo). Näꞌä udi nunä bideo kasi mähye̱gi ko näꞌä rä bideo dä no̱nihu̱ änte. Pe koꞌmu̱ rä zi tꞌu̱kä bideo, mänꞌa xä ñho gä usahu̱ ha nuꞌu̱ yä territorio habu̱ yä jäꞌi kasi otho yä tiempo o yꞌo de gä so̱ni.

• 

  ¿Hanja di tꞌo̱tꞌe nꞌa rä ntꞌudi de rä Mäkä Tꞌofo? Nunä bideo bi thoki pa di esplika hanja di tꞌo̱tꞌe nꞌa rä curso de rä Mäkä Tꞌofo. Esplika te ma dä bädi nꞌa rä jäꞌi ha nunä curso, ꞌne hanja dä za dä yꞌadi nꞌaa.

• 

  Hogä ꞌñehe ha ri curso de rä Biblia. Nunä bideo bi thoki pa nuꞌu̱ yä zi jäꞌi ya xä hñäni nꞌa rä curso de rä Mäkä Tꞌofo. Mäske ha rä mfistꞌofo ¡Johya pa nzäntho! no̱ni nunä bideo asta ha rä nxii 2, ꞌnehe dä za gi ko rä foyeto ¡Johya pa nzäntho! Nunä bideo esplika te ehe ꞌne hanja ma drä usa nunä he̱ꞌmi.

Kada nꞌa de nuya yä bideo bi thoki po nuꞌu̱ yä raso ya dä mäñhu̱. Pe mäske njabu̱, dä za gi ꞌñuti yä zi jäꞌi ora gi handi ge dä hogi. Mähyoni ge gatꞌho yä publicador dä konose xä ñho nuya yä bideo, pa dä usa ora di predika o uni yä curso de rä Mäkä Tꞌofo.