FATSꞌI YÄ JÄꞌI DÄ ME̱PÄBI ÄJUÄ
RÄ LECCIÓN 12
Xipäbi habu̱ ja mꞌe̱di dä mejora
Näꞌä udi rä Mäkä Tꞌofo: «Rä aseite ꞌne rä tꞌutsꞌi japi dä johya rä koraso, ja ngu nꞌa rä hogä ntsitsꞌi po̱ho̱ de nꞌa rä hogä konseho» (Prov. 27:9).
Näꞌä bi me̱fi rä Hesu
1. Hyandi rä BIDEO o hñeti Marcos 10:17-22. ꞌNepu̱ thädi nuya yä ntꞌani:
¿Te mä hogä mꞌu̱i bi hyandi rä Hesu ha nunä bäsjäꞌi?
¿Por hanja dä za gä mäñhu̱ ge rä Hesu bi ꞌñudi rä mhäte ꞌne rä balo ora bi umbäbi nꞌa rä konseho nunä bäsjäꞌi?
¿Te utkägihu̱ rä ejemplo rä Hesu?
2. Mu̱ di nehu̱ ge nuꞌu̱ yä zi jäꞌi di utihu̱ de rä Mäkä Tꞌofo dä zo̱ho̱ dä me̱päbi Äjuä, mähyoni gä xipäbihu̱ ko ndunthi rä mhäte ꞌne rä tꞌekꞌei habu̱ japäbi mꞌe̱di dä mejora.
De̱mbäbi rä ejemplo rä Hesu
3. Fatsꞌi ri estudiante dä hñutsꞌi yä meta ꞌne dä zu̱di.
Usa näꞌä rä rekuadro ehe ha kada nꞌa rä lección de rä mfistꞌofo ¡Johya pa nzäntho!, habu̱ enä «Hyoki de gä tarea».
ꞌÑuti ri estudiante te debe dä me̱fi pa dä zu̱di nuꞌu̱ yä meta pe̱ꞌtsi mäpaya ꞌne nuꞌu̱ yä meta ne dä zu̱di xudi ndämäni.
Felisita ri estudiante kada gi handi ge uni yä paso pa dä zu̱di yä meta.
4. Hyandi te hu̱kuäbi dä me̱päbi Äjuä ꞌne fatsꞌi dä ñhandui nuꞌu̱ yä xuñha.
Ñꞌanise̱:
«¿Te hu̱kuäbi mä estudiante dä uni yä paso ꞌne dä nxixtehe?».
«¿Te dä za gä pe̱fi pa gä fatsꞌi?».
Yꞌapäbi Jeoba dä rꞌaꞌi rä balo ꞌne dä maxꞌäꞌi gi huahni xä ñho te mä noya ma gi usa pa gi xipäbi ri estudiante te japäbi mꞌe̱di dä me̱fi pa dä zo̱ho̱ dä me̱päbi Äjuä.
5. Mu̱ ya xä thogi rä tiempo ꞌne ri estudiante hingi o̱tꞌe yä mpadi, ya tsopu̱.
Pa gi pädi mu̱ dä hogi gi sigi gi uni nꞌa rä curso o hinä, thädise̱ nuya yä ntꞌani:
«¿Te mä mpadi xä yꞌo̱tꞌe dende dä fu̱di dä nxadihe?».
«¿Ya di ntini ha yä mhuntsꞌi ꞌne pete märꞌaa näꞌä xä bädi?».
«Mu̱ ya tsitsꞌi nꞌa rä tiempo di nxadi rä Mäkä Tꞌofo, ¿xä mää ge ne dä zo̱ho̱ dä Ntestigo?».
Gehnä dä za gi pe̱fi mu̱ ri estudiante hingi hutsꞌi de rä parte:
Animäbi dä hyandäse̱ te hu̱kuäbi dä me̱päbi Äjuä.
Ko rä mhäte ꞌne rä tꞌekꞌei xipäbi por hanja ya hingä ma gi ꞌñuti de rä Mäkä Tꞌofo.
Xipäbi te mä mpadi debe dä yꞌo̱tꞌe mu̱ mꞌe̱fa ne dä hñäni mänꞌaki nꞌa rä curso de rä Mäkä Tꞌofo.