¿ʼBe̱ʼä ja gä o̱thu̱ pa ge nuʼä Ojä dä numanho nuʼbu̱ di thännehu̱?

Tengü dä nuhu̱bu̱ nxa̱di 13, nuʼä Ojä hingä ga̱ʼtho numanhoʼu̱ yu̱ nʼtëʼkyëi ja. Pe̱ dä za̱ gä thännehu̱ʼä Ojä tengü numanhoʼä. ¿ʼBe̱pu̱ neʼä Ojä ge dä mba ma thännebi ʼne ndaʼä ra mpe̱ti numanhoʼä? (Santiago 1:27; nota). Gä nuhu̱ nuʼä mambu̱ ja Biblia.

1. ¿Hapu̱ xikju̱ʼä Ojä ʼbe̱pu̱ ne ge gä thännehu̱?

Nubu̱ Biblia mambu̱ ʼbe̱pu̱ ja gä thännehu̱ʼä Ojä. Nuʼä Jesús bi ʼyënä ge nuʼä na Nhman Ojä geʼä majuäniʼä (Juan 17:17). Xi ngü yu̱ nʼtëʼkyëi hingi te̱nni nuʼä mambu̱ ja Biblia, manʼna o̱ʼte nuʼä i numanhose̱, ʼne xa̱mbä yu̱ jäʼi nuʼä na nʼyomfënise̱ʼu̱. Nuʼä Jeoba hingi numanho ge hindä ʼtëspäʼu̱ yu̱ nʼtëdi (dä mi nu Marcos 7:9). Pe̱ nuʼbu̱ di te̱nhnu̱ʼu̱ yu̱ nʼtëdiʼä Ojä di o̱thu̱ ge emme di njohya.

2. ¿ʼBe̱pu̱ neʼä Jeoba ge gä thännehu̱?

Nuʼä Jeoba, geʼä bi hogähu̱ʼä, janangeʼä ho̱nse̱ʼä ja gä thännehu̱ʼä (Apocalipsis 4:11). Nuʼä Jeoba hingi numanho gä thännehu̱ yu̱ santo, yu̱ ʼto̱ho̱, yu̱ dehe, ra hyadi o ho̱nʼtä go ʼbe̱ʼä manʼna ge thänneʼu̱ yu̱ jäʼi (dä mi nu Isaías 42:8).

Nuʼbu̱ di thännehu̱ʼä Ojä ja xtä nho nuʼä di o̱thu̱, xtä ndu̱xki pa dä numanhoʼä (Romanos 12:1). Nuna, ne dä ma ge ja gä te̱nhnu̱ ga̱ʼthoʼu̱ yu̱ nʼtëdiʼä. Tengüʼu̱ xi nthäti ge mädi o neʼä Jeoba, te̱nnu̱ yu̱ nʼtëdi ʼne yu̱ nʼtsofo ge di manda Jeoba pa nangeʼu̱ xi nthäti. Kextä, nuʼu̱ ge majuäni neʼä Jeoba hingi ïtï, hingi su̱ʼtä ʼyu̱i, mariguana o ʼbe̱ʼä manʼna ge di ʼtsombä na jäʼi ʼne di ʼtsombä na ña.a

3. ¿Hanja ʼrarbu̱ ja gä thännehu̱ʼä Jeoba ko nuʼu̱ miʼra yu̱ jäʼi ge i te̱nni nuʼu̱ yu̱ nʼtëdi?

Nuʼu̱ yu̱ mpe̱ti ja ga̱ʼtho yu̱ semana “di ze̱kju̱ o di jakju̱ gä thännehu̱ʼä Jeoba nubu̱ ʼbu̱ʼu̱ ma kühu̱” (Salmo 111:1, 2). Di thännehu̱ʼä Ojä nuʼbu̱ di tühmu̱bu̱ ja yu̱ mpe̱ti (dä mi nu Salmo 104:33). Nuʼä Jeoba ne ge gä mpe̱tihu̱ geʼtho di huëgähu̱ ne i pädi ge nuʼu̱ yu̱ mpe̱ti di ze̱kju̱ gä njohyahu̱ ʼne gä mʼbu̱hmu̱ pa mazäi. Nuʼbu̱ di pa̱ha̱bu̱ ja yu̱ mpe̱ti di nhyürpä ma mu̱ihu̱.

GÄ PÄHMU̱ MANʼNA NANGEHNA

4. Hingi ho gä honhmu̱ yu̱ santo pa gä thännehu̱ʼä Ojä

BIDEO: ¿Ha numanho Ojä gä honhmu̱ yu̱ santo pa gä thännehu̱ʼä? (3:26)

• ¿ʼBe̱ʼä bi ʼyo̱ʼtä Jeoba nuʼbu̱ mi hokä ʼna ʼtu̱ndäniʼu̱ yu̱ israelita pa dä dänneʼä Jeoba?

Xi ngü yu̱ jäʼi ëna ge thänne Ojä nuʼbu̱ nzofo ʼne di thänneʼu̱ yu̱ santo. Pe̱ xina ¿ha hingi o̱ʼte ge ho̱ntho di nkue̱ʼä Ojä? Dä mi nuui Éxodo 20:4-6 ʼne Salmo 106:35, 36, ʼne manhmi nangehna:

• ¿ʼBe̱ʼä ma santo xkä hyandi ge thänneʼu̱ yu̱ jäʼi? ¿ʼBe̱ʼä manʼna di thänneʼu̱?

• ¿ʼBe̱ʼä mbënʼä Jeoba ge yu̱ jäʼi di thänneʼu̱ yu santo?

• Xiʼe ¿ʼbe̱ʼä gi mbëni ge pa nthänneʼu̱ yu̱ santo?

5. Nuʼbu̱ ho̱nse̱ʼä Jeoba gä thännehu̱, te ʼbe̱ʼä manʼna gä ëʼkyëihu̱ ge himbä ʼyëpu̱ ja Biblia

BIDEO: Nuʼä Ojä bi xogä ma da̱ (5:16)

Dä mi nuui Salmo 91:14 ʼne manhmi nangehna:

• ¿ʼBe̱pu̱ dä fa̱xkähu̱ʼä Jeoba geʼbu̱ ho̱nse̱ʼä gä huëkju̱ ʼne gä thännehu̱?

6. Nuʼbu̱ di pa̱ha̱ yu̱ mpe̱ti di thännehu̱ʼä Jeoba

Nuʼbu̱ di tühmu̱ o di thähmu̱ yu̱ nʼta̱nni ʼto̱rbu̱ ja yu̱ mpe̱tiʼu̱ yu̱ testigo di thännehu̱ʼä Jeoba, ʼne kextä di nhyürpä ma mu̱ihu̱ ʼna ngü ʼnaju̱. Dä mi nuui Salmo 22:22 ʼne manhmi nangehna:

• Xiʼbu̱ gi pabu̱ ja yu̱ mpe̱ti ¿ha hüʼtä ni mu̱i nuʼä gi o̱pu̱?

• ¿Ha gi ne gi nxa̱di pa gi ünʼä ʼna komentario nubu̱ ja mpe̱ti?

7. Nuʼä Jeoba emme di johya nuʼbu̱ di xihmu̱ʼu̱ miʼra nuʼä di pähmu̱bu̱ ja Biblia

Xi ngü ʼbe̱pu̱ dä za̱ gä xihmu̱ʼu̱ miʼra nuʼä xtä pähmu̱bu̱ ja Biblia. Dä mi nuui Salmo 9:1 ʼne 34:1, ʼne manhmi nangehna:

• Nangeʼä ga̱ʼtho xkä päpu̱ ja Biblia, ¿ʼbe̱ʼä gi ne gi xiʼu̱ miʼra?

NUʼÄ MANʼNA JAʼTSE̱DI

Nuʼä Jeoba emme di johya nuʼbu̱ ho̱nse̱ʼä di thännehu̱. Di thännehu̱ nuʼbu̱ di pa̱ha̱bu̱ ja yu̱ mpe̱ti ʼne nuʼbu̱ di xihmu̱ʼu̱ miʼra nuʼä xtä pähmu̱bu̱ ja Biblia.

Nuʼä dä pähmu̱

• ¿Hapu̱ ürkähu̱ʼä Ojä ʼbe̱pu̱ ne ge gä thännehu̱ʼä?

• ¿Hanja ho̱nse̱ʼä Jeoba ja gä thännehu̱?

• ¿Hanja ʼrarbu̱ ja gä thännehu̱ʼä Jeoba nuʼu̱ miʼra ge te̱nnu̱ yu̱ nʼtëdi?

DÄ MI PÄDI MANʼNA

Dä mi pädi nangeʼä ʼna xisu ge bi ʼyëna “Ya hindi thänne nuʼu̱ yu̱ ojä ge ma hokitho”.

“Nuʼä Biblia bi ze̱di pa di pa̱hyu̱ mʼbu̱iʼu̱)” (La Atalaya, 1 julio ge 2011)

Dä mi pädi ʼra yu̱ nʼtsofo ge dä ze̱ʼi gi ünʼä ʼna ni komentario o gi thäʼä ʼna nʼta̱nni ge ʼto̱rbu̱ ja yu̱ mpe̱ti.

“Gä thännehu̱ʼä Jeoba nubu̱ ja mpe̱ti” (La Atalaya, enero ge 2019)

Dä mi pädi ʼbe̱pu̱ bi ze̱ʼä ʼna ra ʼtsu̱nʼtu̱ nuʼbu̱ mi ba yu̱ mpe̱ti madägeʼä mi sa̱pi ge xi nhëi.

Nuʼä Jeoba u̱rkä gue̱nda (3:07)

Xi ngü yu̱ jäʼi mbëni ge nuʼä Ojä numanho dä ʼtëspäʼä ponʼti, pe̱ ¿ha xi nho ge gä honhmu̱ʼä ponʼti pa gä thännehu̱ʼä Ojä?

“¿Hanja nuʼu̱ yu̱ testigo ä Jeoba hingi honʼä ponʼti pa dä thänneʼä Ojä?” (Bä ʼyëpu̱ jw.org)