27 ਉਨ੍ਹਾਂ ਦੋਹਾਂ ਨੇ ਉਨ੍ਹਾਂ ਵਿਚਕਾਰ ਉਸ ਵੱਲੋਂ ਨਿਸ਼ਾਨੀਆਂ ਦਿਖਾਈਆਂ

ਅਤੇ ਹਾਮ ਦੇ ਦੇਸ਼ ਵਿਚ ਉਸ ਵੱਲੋਂ ਚਮਤਕਾਰ ਕਰ ਕੇ ਦਿਖਾਏ।+

28 ਉਸ ਨੇ ਹਨੇਰਾ ਭੇਜਿਆ ਅਤੇ ਮਿਸਰ ਵਿਚ ਹਨੇਰਾ ਛਾ ਗਿਆ;+

ਉਹ ਦੋਵੇਂ ਉਸ ਦੇ ਹੁਕਮਾਂ ਖ਼ਿਲਾਫ਼ ਨਹੀਂ ਗਏ।

29 ਉਸ ਨੇ ਉਨ੍ਹਾਂ ਦੇ ਪਾਣੀਆਂ ਨੂੰ ਲਹੂ ਬਣਾ ਦਿੱਤਾ

ਅਤੇ ਉਨ੍ਹਾਂ ਦੀਆਂ ਮੱਛੀਆਂ ਨੂੰ ਮਾਰ ਸੁੱਟਿਆ।+

30 ਉਨ੍ਹਾਂ ਦਾ ਦੇਸ਼ ਡੱਡੂਆਂ ਨਾਲ ਭਰ ਗਿਆ,+

ਇੱਥੋਂ ਤਕ ਕਿ ਰਾਜੇ ਦੇ ਕਮਰੇ ਵੀ।

31 ਉਸ ਨੇ ਮੱਖਾਂ ਨੂੰ ਉਨ੍ਹਾਂ ʼਤੇ ਹਮਲਾ ਕਰਨ ਦਾ ਹੁਕਮ ਦਿੱਤਾ

ਅਤੇ ਮੱਛਰ ਉਨ੍ਹਾਂ ਦੇ ਸਾਰੇ ਇਲਾਕਿਆਂ ਵਿਚ ਫੈਲ ਗਏ।+

32 ਉਸ ਨੇ ਮੀਂਹ ਦੀ ਜਗ੍ਹਾ ਗੜੇ ਪਾਏ

ਅਤੇ ਉਨ੍ਹਾਂ ਦੇ ਦੇਸ਼ ʼਤੇ ਬਿਜਲੀ ਲਿਸ਼ਕਾਈ।*+

33 ਉਸ ਨੇ ਉਨ੍ਹਾਂ ਦੀਆਂ ਅੰਗੂਰੀ ਵੇਲਾਂ ਅਤੇ ਅੰਜੀਰ ਦੇ ਦਰਖ਼ਤ ਤਬਾਹ ਕਰ ਦਿੱਤੇ

ਨਾਲੇ ਉਨ੍ਹਾਂ ਦੇ ਇਲਾਕੇ ਦੇ ਰੁੱਖ ਉਖਾੜ ਦਿੱਤੇ।

34 ਉਸ ਨੇ ਹੁਕਮ ਦਿੱਤਾ ਕਿ ਟਿੱਡੀਆਂ ਹਮਲਾ ਕਰਨ,

ਨਾਲੇ ਟਿੱਡੀਆਂ ਦੇ ਅਣਗਿਣਤ ਬੱਚੇ ਵੀ।+

35 ਉਨ੍ਹਾਂ ਨੇ ਦੇਸ਼ ਦੇ ਸਾਰੇ ਪੇੜ-ਪੌਦੇ ਚੱਟ ਕਰ ਲਏ,

ਨਾਲੇ ਜ਼ਮੀਨ ਦੀ ਪੈਦਾਵਾਰ ਵੀ।

36 ਫਿਰ ਉਸ ਨੇ ਉਨ੍ਹਾਂ ਦੇ ਦੇਸ਼ ਦੇ ਸਾਰੇ ਜੇਠੇ ਬੱਚੇ ਮਾਰ ਸੁੱਟੇ,+

ਜਿਹੜੇ ਉਨ੍ਹਾਂ ਦੀ ਬੱਚੇ ਪੈਦਾ ਕਰਨ ਦੀ ਤਾਕਤ ਦੀ ਸ਼ੁਰੂਆਤ ਸਨ।