ਕਹਾਉਤਾਂ
3 ਆਦਮੀ ਦੀ ਆਪਣੀ ਮੂਰਖਤਾਈ ਉਸ ਨੂੰ ਗੁਮਰਾਹ ਕਰਦੀ ਹੈ
ਅਤੇ ਉਸ ਦਾ ਮਨ ਯਹੋਵਾਹ ʼਤੇ ਭੜਕ ਉੱਠਦਾ ਹੈ।
4 ਦੌਲਤ ਢੇਰ ਸਾਰੇ ਦੋਸਤਾਂ ਨੂੰ ਖਿੱਚਦੀ ਹੈ,
ਪਰ ਗ਼ਰੀਬ ਆਦਮੀ ਨੂੰ ਤਾਂ ਉਸ ਦਾ ਦੋਸਤ ਵੀ ਛੱਡ ਜਾਵੇਗਾ।+
6 ਖੁੱਲ੍ਹ-ਦਿਲੇ* ਇਨਸਾਨ ਦੀ ਮਿਹਰ ਤਾਂ ਕਈ ਪਾਉਣੀ ਚਾਹੁੰਦੇ ਹਨ
ਅਤੇ ਤੋਹਫ਼ੇ ਦੇਣ ਵਾਲੇ ਆਦਮੀ ਦਾ ਹਰ ਕੋਈ ਦੋਸਤ ਬਣ ਜਾਂਦਾ ਹੈ।
7 ਗ਼ਰੀਬ ਆਦਮੀ ਦੇ ਸਾਰੇ ਭਰਾ ਉਸ ਨਾਲ ਨਫ਼ਰਤ ਕਰਦੇ ਹਨ;+
ਤਾਂ ਫਿਰ, ਉਸ ਦੇ ਦੋਸਤਾਂ ਦਾ ਉਸ ਨੂੰ ਛੱਡ ਕੇ ਜਾਣਾ ਕੋਈ ਵੱਡੀ ਗੱਲ ਨਹੀਂ!+
ਉਹ ਉਨ੍ਹਾਂ ਦੇ ਪਿੱਛੇ-ਪਿੱਛੇ ਮਿੰਨਤਾਂ ਕਰਦਾ ਜਾਂਦਾ ਹੈ, ਪਰ ਕੋਈ ਨਹੀਂ ਸੁਣਦਾ।
8 ਜਿਹੜਾ ਸਮਝ ਹਾਸਲ ਕਰਦਾ ਹੈ,* ਉਹ ਖ਼ੁਦ ਨੂੰ ਪਿਆਰ ਕਰਦਾ ਹੈ।+
ਸੂਝ-ਬੂਝ ਨੂੰ ਸਾਂਭ ਕੇ ਰੱਖਣ ਵਾਲਾ ਸਫ਼ਲ ਹੋਵੇਗਾ।*+
9 ਝੂਠਾ ਗਵਾਹ ਸਜ਼ਾ ਤੋਂ ਨਾ ਛੁੱਟੇਗਾ
ਅਤੇ ਗੱਲ-ਗੱਲ ʼਤੇ ਝੂਠ ਬੋਲਣ ਵਾਲਾ ਨਾਸ਼ ਹੋ ਜਾਵੇਗਾ।+
10 ਠਾਠ-ਬਾਠ ਨਾਲ ਰਹਿਣਾ ਮੂਰਖ ਨੂੰ ਜਚਦਾ ਨਹੀਂ;
ਤਾਂ ਫਿਰ, ਨੌਕਰ ਦਾ ਹਾਕਮਾਂ ਉੱਤੇ ਰਾਜ ਕਰਨਾ ਕਿਵੇਂ ਜਚੇਗਾ?+
12 ਰਾਜੇ ਦਾ ਗੁੱਸਾ ਸ਼ੇਰ ਦੀ ਗਰਜ ਵਾਂਗ ਹੈ,+
ਪਰ ਉਸ ਦੀ ਮਿਹਰ ਪੇੜ-ਪੌਦਿਆਂ ʼਤੇ ਪਈ ਤ੍ਰੇਲ ਵਾਂਗ ਹੈ।
13 ਮੂਰਖ ਪੁੱਤਰ ਆਪਣੇ ਪਿਤਾ ʼਤੇ ਬਿਪਤਾ ਲਿਆਉਂਦਾ ਹੈ+
14 ਘਰ ਤੇ ਧਨ-ਦੌਲਤ ਵਿਰਸੇ ਵਿਚ ਪਿਤਾਵਾਂ ਤੋਂ ਮਿਲਦੀ ਹੈ,
ਪਰ ਸਮਝਦਾਰ ਪਤਨੀ ਯਹੋਵਾਹ ਵੱਲੋਂ ਮਿਲਦੀ ਹੈ।+
15 ਆਲਸ ਡੂੰਘੀ ਨੀਂਦ ਸੁਲਾ ਦਿੰਦਾ ਹੈ
ਅਤੇ ਸੁਸਤ ਇਨਸਾਨ ਭੁੱਖਾ ਰਹੇਗਾ।+
19 ਗਰਮ ਸੁਭਾਅ ਵਾਲਾ ਹਰਜਾਨਾ ਭਰੇਗਾ;
ਜੇ ਤੂੰ ਉਸ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ, ਤਾਂ ਤੈਨੂੰ ਵਾਰ-ਵਾਰ ਇਵੇਂ ਕਰਨਾ ਪਵੇਗਾ।+
22 ਇਨਸਾਨ ਦੀ ਖੂਬੀ ਉਸ ਦਾ ਅਟੱਲ ਪਿਆਰ ਹੈ;+
ਝੂਠਾ ਬਣਨ ਨਾਲੋਂ ਗ਼ਰੀਬ ਹੋਣਾ ਚੰਗਾ ਹੈ।
24 ਆਲਸੀ ਦਾਅਵਤ ਦੇ ਕਟੋਰੇ ਵਿਚ ਹੱਥ ਤਾਂ ਡੋਬਦਾ ਹੈ,
ਪਰ ਇਸ ਨੂੰ ਮੂੰਹ ਤਕ ਲਿਆਉਣ ਦੀ ਖੇਚਲ਼ ਨਹੀਂ ਕਰਦਾ।+
26 ਜਿਹੜਾ ਪੁੱਤਰ ਆਪਣੇ ਪਿਤਾ ਨਾਲ ਮਾੜਾ ਸਲੂਕ ਕਰਦਾ ਅਤੇ ਆਪਣੀ ਮਾਂ ਨੂੰ ਕੱਢ ਦਿੰਦਾ ਹੈ,
ਉਹ ਸ਼ਰਮਿੰਦਗੀ ਤੇ ਬਦਨਾਮੀ ਲਿਆਉਂਦਾ ਹੈ।+
27 ਹੇ ਮੇਰੇ ਪੁੱਤਰ, ਜੇ ਤੂੰ ਸਿੱਖਿਆ ʼਤੇ ਕੰਨ ਲਾਉਣਾ ਛੱਡ ਦੇਵੇਂ,
ਤਾਂ ਤੂੰ ਗਿਆਨ ਦੀਆਂ ਗੱਲਾਂ ਤੋਂ ਭਟਕ ਜਾਵੇਂਗਾ।